Llannerch Banna

Llannerch Banna

Math	pentref
Daearyddiaeth
Sir	De Maelor
Gwlad	Cymru
Cyfesurynnau	52.95°N 2.88°W
Cod OS	SJ414399
AS/au y DU	Andrew Ranger (Llafur)
Ffeiliau perthnasol ar Comin
[golygwch ar Wicidata]

Am leoedd eraill o'r enw "Llannerch", gweler Llannerch.

Pentref bychan yng nhymuned De Maelor ym mwrdeistref sirol Wrecsam, Cymru, yw Llannerch Banna^[1] (Saesneg: Penley).^[2] Gorwedd yn ardal Wrecsam Maelor, ar briffordd yr A539 tua hanner y ffordd rhwng Llangollen a'r Eglwys Wen. Saif bron ar y ffin rhwng Cymru a Lloegr. Ymddengys ei fod yn cymryd ei enw o Penda, brenin Mersia yn y 7g.

Gorwedd Llannerch Banna yn hen gwmwd Maelor Saesneg, ac roedd yn rhan o'r hen Sir y Fflint cyn ad-drefnu llywodraeth leol yn 1974. Mae yno ysgol gynradd, Ysgol Madras, ac ysgol uwchradd, Ysgol Maelor.

Mae'n fwyaf adnabyddus am yr Ysbyty Pwylaidd, a sefydlwyd wedi'r Ail Ryfel Byd ar gyfer cyn-filwyr Pwylaidd a'u teuluoedd. Tua dechrau'r 1950au roedd dros 2,000 o gleifion a staff yno, ond lleihaodd y nifer, a chaewyd yr ysbyty yn mis Mawrth 2002.