Giorgio Napolitano

Giorgio Napolitano
Portread swyddogol yr Arlywydd Giorgio Napolitano (2006).
Ganwyd	29 Mehefin 1925  Napoli
Bu farw	22 Medi 2023
Galwedigaeth	newyddiadurwr
Swydd	Aelod o Siambr Dirprwyon Gweriniaeth yr Eidal, Aelod o'r Senedd Eidalaidd, Aelod Senedd Ewrop, Aelod Senedd Ewrop, Aelod o Siambr Dirprwyon Gweriniaeth yr Eidal, Aelod o Siambr Dirprwyon Gweriniaeth yr Eidal, Aelod o Siambr Dirprwyon Gweriniaeth yr Eidal, Aelod o Siambr Dirprwyon Gweriniaeth yr Eidal, Aelod o Siambr Dirprwyon Gweriniaeth yr Eidal, Aelod o Siambr Dirprwyon Gweriniaeth yr Eidal, Aelod o Siambr Dirprwyon Gweriniaeth yr Eidal, Aelod o Siambr Dirprwyon Gweriniaeth yr Eidal, Aelod o Siambr Dirprwyon Gweriniaeth yr Eidal
Taldra	175 centimetr
Gwobr/au	Marchog Uwch-Groes Urdd Teilyngdod Gweriniaeth yr Eidal, Uwch-Groes Urdd Isabel la Católica, Urdd yr Eryr Gwyn, Grand Cross of the Order of the White Double Cross‎, Urdd Umayyad, Doethor Anrhydeddus Prifysgol Paris-Sorbonne, Doethor Anrhydeddus Prifysgol Madrid, Prix de la laïcité, Uwch-seren Datganiad o Wasanaeth i Weriniaeth Awstria, Uwch Groes Rhosyn Gwyn y Ffindir gyda Choler, Commander of the Order for Merits to Lithuania, National Maltese Order of Merit, Urdd cenedlaethol Coler Uwch Cruz del Sur, "Gjergj Kastrioti Skënderbeu" Decoration
llofnod

Gwleidydd o'r Eidal oedd Giorgio Napolitano (29 Mehefin 1925 – 22 Medi 2023) a wasanaethodd yn Arlywydd yr Eidal o 2006 i 2015.

Ganed ef yn Napoli, Teyrnas yr Eidal, yn fab i'r cyfreithiwr a bardd Giovanni Napolitano a'i wraig Carolina (Bobbio gynt). Astudiodd Giorgio y gyfraith ym Mhrifysgol Federico II, yn Napoli. Yn y brifysgol cyfarfu â Clio Bittoni; priodasant ym 1959. Ym 1945, ymaelododd Napolitano â Phlaid Gomiwnyddol yr Eidal (PCI).^[1] Fe'i etholwyd i Siambr y Dirprwyon ym 1953, a chynrychiolai Napoli yn y ddeddfwrfa hyd at 1996, ac eithrio'r cyfnod 1963–68. Fel aelod o Blaid Ddemocrataidd y Chwith (PDS), a ddilynodd y PCI ym 1991, gwasanaethodd Napolitano yn Llywydd Siambr y Dirprwyon o 1992 i 1994, ac yn Weinidog Cartref o 1996 i 1998 yn llywodraeth gyntaf y Prif Weinidog Romano Prodi. Gwasanaethodd hefyd yn Aelod Senedd Ewrop dros Dde'r Eidal o 1989 i 1992 ac o 1999 i 2004.

Penodwyd Napolitano yn seneddwr am oes gan yr Arlywydd Carlo Azeglio Ciampi yn 2005. Ym Mai 2006, ac yntau'n cynrychioli Democratiaid y Chwith (DS, a ddilynodd y PDS ym 1998) ac yn ymgeisydd dros gynghrair etholiadol L'Unione, fe'i etholwyd yn Arlywydd yr Eidal gan y senedd. Efe oedd yr 11eg dyn i'w ethol yn arlywydd, y cyntaf i'w ail-ethol (yn 2013), a'r cyn-gomiwnydd cyntaf i ddal y swydd. Ymddiswyddodd o'r arlywyddiaeth yn Ionawr 2015, a fe'i olynwyd gan Sergio Mattarella. Dychwelodd Napolitano i'w sedd yn y senedd am weddill ei oes. Bu farw yn Rhufain yn 2023, yn 98 oed.