Anne Rice

Anne Rice
Ffugenw	Anne Rampling, A. N. Roquelaure
Ganwyd	Howard Allen Frances O'Brien  4 Hydref 1941  New Orleans
Bu farw	11 Rhagfyr 2021  o strôc  Rancho Mirage
Dinasyddiaeth	Unol Daleithiau America
Alma mater	Prifysgol San Francisco Prifysgol y Merched, Texas Prifysgol Gogledd Tecsas Richardson High School
Galwedigaeth	llenor, nofelydd, sgriptiwr
Adnabyddus am	Interview with the Vampire
Arddull	llenyddiaeth arswyd, erotic literature, ffantasi
Priod	Stan Rice
Plant	Michele Rice, Christopher Rice
Gwobr/au	Gwobr Cynhadledd Arswyd Fydeang yr Uwch Feistr
Gwefan	http://www.annerice.com

Awdur Americanaidd oedd Anne Rice (4 Hydref 1941 – 11 Rhagfyr 2021) sy'n cael ei hystyried yn nodigedig am ei gwaith fel nofelydd a sgriptiwr ffuglen gothig, Cristnogol ac erotig. Yn 2019 ei gwaith mwyaf poblogaidd oedd The Vampire Chronicles a addaswyd yn nifer o ffilmiau: Interview with the Vampire (1994) a Queen of the Damned (2002).

Ganed Howard Allen Frances O'Brien yn New Orleans ar 4 Hydref 1941. Wedi gadael yr ysgol mynychodd Brifysgol San Francisco, Prifysgol y Merched, Texas a Phrifysgol Gogledd Tecsas. Priododd yr arlunydd Stan Rice yn 1961 a bu'r ddau briod am 41 o flynyddoedd tan iddo farw o gancr yn 2002 yn 60 oed.^{[1][2][3][4][5][6]}

Mae'r awdur Christopher Rice yn blentyn iddi; collodd blentyn arall, Michelle, yn 5 oed o liwcimia.^[7][8]

Treuliodd Rice lawer o'i bywyd cynnar yn New Orleans cyn symud i Texas, ac yn ddiweddarach i San Francisco. Cafodd ei magu mewn teulu Catholig eitha llym, ond daeth yn agnostig pan oedd yn oedolyn ifanc. Dechreuodd ei gyrfa ysgrifennu proffesiynol gyda chyhoeddi Interview with the Vampire ym 1976, wrth fyw yng Nghaliffornia, a dechreuodd ysgrifennu dilyniannau i'r nofel yn yr 1980au. Yng nghanol y 2000au, dychwelodd at Babyddiaeth, cyhoeddodd Rice y nofelau Christ the Lord: Out of Egypt and Christ the Lord: The Road to Cana, adroddiadau ffuglennol o rai digwyddiadau ym mywyd Iesu Grist. Sawl blwyddyn yn ddiweddarach fe ymbellhaodd oddi wrth Gristnogaeth confensiynol, gan nodi anghytuno â safbwyntiau'r Eglwys Gatholig ar faterion cymdeithasol ond gan addo bod ffydd yn Nuw yn parhau i fod yn "ganologig i'w bywyd." Fodd bynnag, mae hi bellach yn ystyried ei hun yn ddyneiddiwr seciwlar.^[9]

Roedd cyfanswm gwerthiant ei llyfrau, erbyn 2019, dros 10 miliwn, sy'n rhoi Anne Rice yn agos iawn i frig y tabl awduron Americanaidd benywaidd mwyaf llwyddiannus erioed.^[10][11]

Rice oedd yr ail o bedair merch i rieni o dras Gatholig Wyddelig, Howard O'Brien a Katherine "Kay" Allen O'Brien.^[12] Gweithiodd ei thad, cyn-filwr Llyngesol o'r Ail Ryfel Byd a phreswylydd gydol oes yn New Orleans, fel Uwch-swyddog Personél ar gyfer Gwasanaeth Post UDA, ac ysgrifennodd un nofel, The Impulsive Imp, a gyhoeddwyd ar ôl ei farwolaeth.^[13][14] Yn ddiweddarach daeth ei chwaer hŷn, Alice Borchardt, yn awdur nodedig ffuglen ffantasi ac arswyd.

Treuliodd Rice y rhan fwyaf o flynyddoedd ei phlentyndod a'i harddegau yn New Orleans, dinas sy'n ffurfio'r cefndir i lawer o'i gweithiau. Cafodd ei blynyddoedd cynnar eu nodi trwy ymdopi â thlodi’r teulu ac alcoholiaeth ei mam. Roedd hi a'i theulu yn byw yng nghartref ei mam-gu, Alice Allen, ("Mamma Allen") yn 2301 St Charles Avenue, y dywed Rice a ystyriwyd gan lawer fel "Ghetto Catholig".^[15][16] Pan oedd Rice yn 15 oed, bu farw ei mam o alcoholiaeth.^[12][17][18] Penderfynnodd ei thad ei rhoi hi a'i chwiorydd yn Academi Sant Joseff, lle a ddisgrifiwyd gan Rice fel "rhywbeth allan o Jane Eyre ... lle a oedd yn dadfeilio, lle erchyll, canoloesol. Roeddwn yn ei gasau ac yn dymuno gadael. Teimlwn fod fy nhad wedi ein bradychu."^[19]

Bu farw Rice ar 12 Rhagfyr 2021. Yr un diwrnod, cyhoeddodd ei mab Christopher ei marwolaeth ar Twitter.

• Dros y blynyddoedd, derbyniodd nifer o anrhydeddau, gan gynnwys: Gwobr Cynhadledd Arswyd Fydeang yr Uwch Feistr (1994) .