Christopher Isherwood

Christopher Isherwood
Christopher Isherwood
Ganwyd	26 Awst 1904 ; Swydd Gaer
Bu farw	4 Ionawr 1986 ; Santa Monica
Dinasyddiaeth	y Deyrnas Unedig, Unol Daleithiau America
Alma mater	Coleg Corpus Christi, Caergrawnt; Coleg y Brenin; Ysgol Repton; St Edmund's School ;
Galwedigaeth	llenor, sgriptiwr, nofelydd, academydd, hunangofiannydd, dramodydd, gay fiction writer
Cyflogwr	Prifysgol Taleithiol Califfornia, Los Angeles ;
Adnabyddus am	A Single Man
Tad	Francis Edward Bradshaw-Isherwood
Mam	Kathleen Bradshaw-Isherwood
Partner	Don Bachardy
llofnod

Nofelydd, dramodydd ac awdur straeon byrion Eingl-Americanaidd oedd Christopher William Bradshaw-Isherwood (26 Awst 1904 – 4 Ionawr 1986).

Ganwyd ym mhentref High Lane, Swydd Gaer, sydd bellach ar gyrion Manceinion Fwyaf. Mynychodd Ysgol Repton a Choleg Corpus Christi, Caergrawnt. Gweithiodd fel ysgrifennydd a thiwtor preifat cyn iddo ennill ei damaid fel awdur yn sgil ei ddwy nofel gyntaf, All the Conspirators (1928) a The Memorial (1932). Fe drigodd ym Merlin o 1929 i 1933, ym mlynyddoedd olaf Gweriniaeth Weimar. Ysgrifennodd dwy nofel fer yn seiliedig ar ei brofiadau, Mr. Norris Changes Trains (1935) a Goodbye to Berlin (1939), a gyhoeddwyd yn ddiweddarach dan y teitl The Berlin Stories. Roedd y rhain yn ysbrydoliaeth i'r ddrama I Am a Camera (1951) a'r sioe gerdd Cabaret (1966). Ysgrifennodd hefyd gofiant o'i fywyd cynnar, Lions and Shadows (1938).

Fe ymfudodd i'r Unol Daleithiau ym 1939 ar wawr yr Ail Ryfel Byd ac ymsefydlodd yn ne Califfornia. Daeth yn ddinesydd Americanaidd ym 1946. Tua'r cyfnod hwn, daeth yn heddychwr ac yn ddilynwr Swami Prabhavananda, a throdd yn Hindŵ. Roedd ei weithiau wedi'r rhyfel yn cynnwys nofelau ar sail ei fywyd personol megis A Single Man (1964)a chofiannau: Kathleen and Frank (1971), Christopher and His Kind (1977), My Guru and His Disciple (1980). Cyhoeddwyd tair chyfrol o'i ddyddiaduron wedi iddo farw.^[1]

Dyn hoyw oedd Isherwodd, ac o 1953 hyd ei farwolaeth ei gymar oedd yr arlunydd Don Bachardy. Bu farw yn Santa Monica, Califfornia, o ganser yn 81 oed.^[2]

Cyfeiriadau

↑ (Saesneg) Christopher Isherwood. Encyclopædia Britannica. Adalwyd ar 28 Gorffennaf 2017.
↑ (Saesneg) Christopher Isherwood is dead at 81, The New York Times (6 Ionawr 1986). Adalwyd ar 28 Gorffennaf 2017.

[1] (Saesneg) Christopher Isherwood. Encyclopædia Britannica. Adalwyd ar 28 Gorffennaf 2017.

[2] (Saesneg) Christopher Isherwood is dead at 81, The New York Times (6 Ionawr 1986). Adalwyd ar 28 Gorffennaf 2017.

[1]

[2]