Solingen

Solingen (distaget ˈzoːlɪŋən en alamaneg) zo ur gêr eus Alamagn, e stad Norzh Roen-Westfalia. Emañ en hanternoz d’ar c’horn-bro anvet Bergisches Land, er su dad a rannvro ar Ruhr. E 2014 e oa war-dro 160 000 a annezidi ez eo an eil kêr vrasañ er Bergisches Land, goude Wuppertal.

Lesanvet eo "Klingenstadt" ("Kêr al Lavnennoù"), abalamour m’eo brudet, abaoe ar Grennamzer, evel ul lec’h ma reer klezeoù, kontilli, sizailhoù, aotennoù… gant lavnennoù mat ha lemm.

Er XVII^vet kantved e voe artizaned eus Solingen o kuitaat o c’hêr hag o vont gant o sekredoù oberiañ da Shotley Bridge, e hanternoz Bro-Saoz.