Priz Langleiz

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Priz Langleiz

priz lennegezh

Deiziad krouiñ	1976
Anvet diwar	Xavier de Langlais
Stad	Frañs
Yezh implijet	brezhoneg

Savet eo bet ar Priz Langleiz, pe Priz Zavier Langleiz, e 1976 evit enoriñ, bep bloaz, ul levr brezhonek pe divyezhek^[1], diembann pe get^[2], pe oberenn glok ur skrivagner brezhonek. Evit mirout memor ar skrivagner gallek ha brezhonek Zavier Langleiz (1906-1975) eo bet krouet ar priz gant e wreg, Annaig Langleiz (ganet du Châtellier - marvet e 2005), ha gant ar familh Langleiz e vez pourchaset an donezon roet d'an oberour.
Gant ur strollad-barn bodet gant Kuzul ar Brezhoneg e vez dibabet an loreidi.

• 1976 : Goulven Jacq gant e levr eñvorennoù Pinvidigezh ar Paour
• 1977 : n'eo ket bet roet
• 1978 : Pêr ar Bihan - Tudual Huon - Goulc'han Kervella - Per Bourdellez gant an droidigezh eus ur romant diwar zorn Alessandro Manzoni, Danvez priedoù (I promessi sposi), Mouladurioù Hor Yezh,
• 1979 : Reun ar C'halan
• 1980 : n'eo ket bet roet
• 1981 : Pêr Roy gant e emvuhezskrid "Evel-se e oamp" gant an anv-pluenn Herve Herri.
• 1982 : Jef Philippe gant "Telenn ar c'hi"
• 1983 : Goulc'han Kervella gant e levr "Laenneg medisin", Jakez Konan gant e droidigezh "Pikoù mab e dad"
• 1984 : Kristian Brisson, gant e romant Skeud, Lesneven, Mouladurioù Hor Yezh
• 1985 : Jakez Konan gant e romant "Kenavo, Amerika"
• 1986 : Yann Gerven gant e romant "Brestiz o vreskenn"
• 1987 : Lukian Tangi gant e levr "Per, Jakez, Yann hag ar re all"
• 1988 : Job Lec'hvien gant e levr "Troidigezhioù ar Bibl"
• 1989 : Frañseza Kervendal gant he levr "Un aod, ur galon"
• 1990 : Jozef Abasq gant e dastumad-danevelloù "Truez va Doue"
• 1991 : Youenn Olier gant e holl oberenn
• 1992 : Erwan Evenou gant ar romant "Nikolazig ar broioù tomm"
• 1993 : Alan Heusaff gant "Geriaoueg Sant Ivi"
• 1994 : René Le Gléau gant e c'heriadurioù
• 1995 : Filip Oillo gant e romant "Blaz an holen"
• 1996 : Youenn Gwernig gant e levr "Un dornad plu"
• 1997 : Alan Botrel gant e levr "Orea"
• 1998 : Lan Tangi gant "Mousafir"
• 1999 : n'eo ket bet roet
• 2000 : Tugdual Kalvez gant e levr "Blaz ar vuhez", Mouladurioù Hor Yezh
• 2001 : Daniel Doujet gant e levr Ur c'hi maget mat ha danevelloù all Embannadurioù al Lanv
• 2002 : Ronan an Henañ gant e holl bennadoù
• 2003 : Herve ar Gall gant e romant "Piv a glevo?" Embannadurioù an Alarc'h
• 2004 : Mark Kerrain gant an droidigezh "Ar 5 skoed a Vreizh"
• 2005 : Maguy Kerisit gant he romant berr evit ar grennarded, Ameli Penn-koumoul, TES
• 2006 : Yann Bijer gant e romant Avel gornôg, Embannadurioù al Liamm
• 2007 : Yann-Fulup Dupuy gant e romant Ar gariadez vaen, Embannadurioù an Alarc'h
• 2008 : Mich Beyer gant he romant Etrezek an enez, Embannadurioù an Alarc'h
• 2009 : Herve Gouedard gant e romant Liñvadenn Kastellaodren, Embannadurioù al Liamm
• 2010 : Herve Bihan gant e zastumad danevelloù, Traoù kouer, Embannadurioù al Liamm
• 2011 : Bernez Tangi evit e levr Ar Saouzanenn, Embannadurioù Skrid
• 2012 : Pierre-Emmanuel Marais evit e levr Alje 57, Embannadurioù al Liamm
• 2013 : Erwan Hupel, evit e levr Yudal!, Embannadurioù al Liamm
• 2014 : Fañch Kerrain, evit e levrioù prederouriezh Keal Doue war-lerc'h Auschwitz ha Prederouriezh pe philo-sophia (Mouladurioù Hor Yezh)
• 2015 : Nolwenn Korbell, evit pozioù he c'hanaouennoù
• 2016 : Kristian Braz, evit Rebetiko hag istorioù all, Embannadurioù al Liamm
• 2017 : Yulia Borisova, evit Spered lemm, Embannadurioù al Lanv
• 2018 : Gireg Konan, evit Eostad hag e bennadoù liesseurt
• 2019 : Pierrette Kermoal, evit he oberenn lennegel
• 2020 : n'eo ket bet roet
• 2021 : Fañch Peru
• 2022 : Paol ar Meur, evit e oberenn lennegel
• 2023 : Herve ar Beg, evit Amiraled Kab Horn

• Priz Imram
• Priz ar Yaouankiz
• Priz Sten Kidna
• Priz Per Roy