Jakez

Jakez zo un anv-badez brezhonek , deuet eus ar Bibl, diwar anv daou eus an Daouzek Abostol. Un adstumm d'an anv Jakob eo, a orin hebreek.

Evel Jakob e teu Jakez eus an hebraeg. Hep mar e teufe an anv hebraek "Ya'aqob" eus "Ya' Aqobel"^[1] a dalveze "Gwarezet gant Doue" moarvat er yezhoù mezopotamek. En Testamant Kozh e lenner div zisplegadenn eus anv Jakob a denn kentoc'h d'ar c'hoarioù-gerioù pe d'un displegadenn boblek eus e ster^[2]. Da gentañ e tispleger e anv gant ar ger hebraek "aqeb" a dalveze seul an troad^[3] : ganet e vije bet Jacob, peg dre un dorn e seul e vreur Esau. En un arroudenn all eus an destenn-se^[4] e tostaer e anv ouzh ar verb 'aqab, distroadañ, un damveneg eus ar skudellad fer a dalvezas da Jakob evit kemer e henanded digant Esau.

Er Bibl e teuas da vezañ IACOBOS e gresianeg. Latinekaet eo bet e Jacobus goude. Meur a anv zo deveret diouzh an anv latin e yezhoù disheñvel (Gwelet izeloc'h).

Brudet eo bet an anv-se gant an ozhac’h-meur Jakob ha gant an holl sent kristen anvet Jakez.

Jalm pe Chalm a gaver ivez evel anv-tiegezh. Jakig a gaver evel stumm bihanaat, e-kichen Jakezig. Jakou, evel er ganouenn Marijanig Lagadbran. Yagu pe Yegu pe c'hoazh Ugu evel en anv-lec'h ar Roc'h Ugu e Bro-Dreger. Jakeza ha Jaketa evit ar merc'hed, hag ivez Jakelina, diwar ar stumm gallek.

Eil anv-badez : kavet e vez ivez an anv evel eil anv-badez, dreist-holl Yann-Jakez, Per-Jakez.

Ral e seblant bezañ evel anv-badez gwir, peuvuiañ ne vez nemet troidigezh an anv galleg Jacques, evel gant ar skrivagnerien Jakez Riou pe Jakez Kerrien, pe gant sonerien e Breizh.

• Jakez, mab Zebedea, pe Jakez an Henañ, unan eus an ebestel
• Jakez, mab Alfae, unan eus an ebestel.
• Jakez, eskob Jeruzalem, lesanvet "Jakez ar Yaouankañ", anvet "kenderv" pe "breur" Jezuz, ha penn-rener doujet Iliz-vamm Jeruzalem^[5]. Gwelet gant Tadoù an Iliz evel aozer Lizher Sant Jakez^[6]

• Jakez Voragine, arc’heskob Genova, skrivagner al levr anvet Ar vojenn alaouret.
• Jakez Amboise (den a relijion)

• Jakez Iañ, anv tri roue
• Jakez II, anv tri roue,
• Jakez III (pajenn disheñvelout)
• Jakez IV, roue Bro-Skos
• Jakez V, roue Bro-Skos
• Jakez VI, roue Bro-Skos pe Jakez, roue Iañ Bro-Saoz
• Jakez VII, roue Bro-Skos pe Jakez II, roue Bro-Saoz

• Jakez Karter, merdeer
• Jakez Konan, skrivagner
• Jakez Riou, skrivagner
• Jakez Kerrien, skrivagner
• Per-Jakez Heliaz, skrivagner, hag e lesanv Jakez Kroc'hen
• Jakez Bernard, produer

• Meur a Sant-Jakez zo e Breizh.
• Sant-Jakez an Turki a vez graet eus kêr Santiago de Compostela er c'hanaouennoù hengounel

• Hent Sant-Jakez
• Kregin Sant Jakez
• Ma breur Jakez, pe Breurig Jakez, kanaouenn bugale
• "Jakez en deus lavaret" : c'hoari bugale dreist-holl. Unan eus ar c'hoarierien a ro kemennoù d'ar re all. Pa grog e urzhioù gant "Jakez en deus lavaret" e tle ar c'hoarierien all ober diouzh en deus goulennet, mod all e rankont chom hep ober pe ez int koll.

• Jacques
• James
• Jaime