stagañ

Brezhoneg

→ Etimologiezh da glokaat (Ouzhpennañ)

stagañ /ˈstɑːɡã/ verb kreñv eeun (displegadur); staget.

Liammañ, eren un den, ul loen, pe un dra.
- Glav a rae deus ar beure, ha ne oa ket a voaien da stagañ kezeg, ha da bad' er-maez da seurt evel 'oa dleet. — (Añjela Duval, Anjela Duval Eil embannadur reizhet, Mignoned Anjela 2005, p. 803.)
stagañ den pe loen pe tra ouzh un dra bennak
- A-barz mont, evelato, e kav d'in e ve mat staga oc'h gouzoug ar raz eur vuredadig pebr a zo ganen ama. — (G. MILIN, Gwechall-goz e oa..., Kemper, 1924, p. 79.)
- Hogen, pa veze leizh an amzer, e teuze ar regalis hag e stage ouzh ar gwer, hag ar voused o vont e-biou, a c’hlaoure gant an avi, o soñjal e oa pec’hed leuskel traoù ker mat all da vont da goll. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 54.)
- An embannoù a oa bet staget ouzh ar voger en ti-kêr hag ouzh ar piler e traoñ an iliz a oa warno anvioù Iv Kerspern ha Loeiza Arzul. — (Roparz Hemon, Ho kervel a rin en noz ha marvailhoù all, Al Liamm, 1970, p. 13.)
- Hon Tad Santel ar Pab, emezañ en ur echuiñ, en deus staget ac'hanon ouzh eskopti Leon : ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 17.)
- Mar talhez (!) da abilida evel-se, me a stago ahanout ouz troad an dôl. — (Jules Gros, Le trésor du breton parlé Première Partie, 1966, p. 213.)
stagañ kezeg war un dra
- Ret e vo stagañ ar c'hezeg war an droc'herez. TBP

stagañ verb kreñv dieeun

stagañ gant un dra bennak
- stagañ gant al labour
Stagañ ganti : en em lakaat da labourat, d'ober un dra bennak
- Hag hor Breizad lakaat al leorig en e c'hodell kempenn, ha staga ganti dioc'htu. — (G. MILIN, Gwechall-goz e oa..., Kemper, 1924, p. 61.)
- — « Bremañ, » eme ar wazed hag ar merc'hed, « eo stagañ ganti. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 7.)
stagañ d'al labour
- Houmañ, pennhêrez ha minorez ha kollet he zud ganti abred, he devoa ranket stagañ d'al labour yaouankik-tre. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 10.)

Liammañ

Kregiñ