FreeBSD

Артыкул занадта кароткі Калі ласка, дапоўніце артыкул і прыбярыце гэта папярэджанне. Калі артыкул застанецца недапісаным, яго могуць прапанаваць да выдалення. Для ўказання на працяг працы над артыкулам карыстайцеся шаблонам {{subst:L}}.

FreeBSD
Прывітанне тэрмінала FreeBSD
Распрацоўшчык	The FreeBSD Project
Сямейства АС	BSD UNIX
Заснавана на	Berkeley Software Distribution[1] і 386BSD[d][2]
Першы выпуск	1 лістапада 1993
Апошняя версія	9.1[3] — 31 снежня 2012
Падтрымлівае платформы	x86, x86_64[d], SPARC[d], DEC Alpha[d], PowerPC[d], ARM[d], MIPS[d] і RISC-V[d]
Тып ядра	Маналітнае ядро
Ліцэнзія	BSD
Стан	Актуальны
Рэпазітар зыходнага коду	cgit.freebsd.org
Вэб-сайт	freebsd.org
Медыяфайлы на Вікісховішчы

FreeBSD — гэта свабодная UNIX-падобная аперацыйная сістэма, якая паходзіць ад аперацыйнай сістэмы BSD. Першая версія FreeBSD была выпушчана ў 1993 годзе на аснове 386BSD. Падтрымкай і прасоўваннем FreeBSD займаецца Фонд FreeBSD.

FreeBSD распрацоўваецца як суцэльная аперацыйная сістэма. Ядро, драйверы прылад і ўсе ўтыліты карыстальніка, такія як абалонка загаднага радка, утрымліваюцца ў адзіным дрэве сістэмы кіравання версіямі. Гэтым адрозніваецца ад іншых свабодных аперацыйных сістэм, такіх як Лінукс, дзе ядро, утыліты карыстальніка і праграмы распрацоўваюцца паасобку і збіраюцца разам асобнымі групамі як дыстрыбутывы Лінукс. Зыходны код FreeBSD звычайна выпускаецца пад дазвольнай ліцэнзіяй BSD у адрозненне ад капілефт-ліцэнзіі GPL, якая выкарыстоўваецца ў Linux.

Значная частка зыходнага кода FreeBSD выкарыстоўваецца ў іншых аперацыйных сістэмах, такіх як Darwin (і яе нашчадкі macOS, iOS, iPadOS, watchOS і tvOS), TrueNAS, а таксама ў сістэмных праграмах для PlayStation 3 і PlayStation 4.

Распрацоўка FreeBSD пачалася ў 1993 годзе, абапіраючыся на неафіцыйны набор латак (patchkit), які падтрымліваўся карыстальнікамі 386BSD. Першым афіцыйным выданнем FreeBSD стаў FreeBSD 1.0 у снежні 1993.

На аснове 5-й галіны дрэва версій кампаніяй Apple быў выдзелены праект Darwin, які ляжыць у аснове АС MacOS X.

У 2003 годзе пад кіраўніцтвам Мэцью Дылана і на аснове 4-й галіны дрэва версій быў выдзелены праект DragonflyBSD.

FreeBSD забяспечвае двайковую сумяшчальнасць з шэрагам іншых Unix-падобных аперацыйных сістэм, у тым ліку з Linux. Гэта дазваляе выконваць пад FreeBSD праграмы, напісаныя для Linux, а таксама некаторыя камерцыйныя праграмы, якія распаўсюджваюцца выключна ў бінарным выглядзе.

• NetBSD
• OpenBSD
• DragonflyBSD

• Афіцыйны сайт FreeBSD
• FreeBSD FreeBSD softwares & ports
• FreeBSD 8 Архівавана 15 чэрвеня 2010.