Fiat 3,5 HP

Fiat 3,5 HP (або Fiat 3 ½ HP, Fiat 4 HP) — першы аўтамабіль, які выпускаўся кампаніяй Fiat. Выпускаўся з 1899 па 1900 год. У 1899 годзе было выраблена 8 аўтамабіляў, а ў наступным годзе — яшчэ 18.

Мадэль грунтавалася на распрацоўцы кампаніі Ceirano GB & C пад назвай Ceirano Welleyes. Кузава вырабляліся ў майстэрні Марчэла Алезіа ў Турыне.

Аўтамабіль меў усталяваны ззаду двухцыліндравы рухавік з вадзяным астуджэннем, аб'ёмам 679 куб. см. і троххуткасную скрынку перадач (без задняга ходу). Максімальная хуткасць аўтамабіля складала 35 км / г ^[1]. Нягледзячы на невялікі па аб'ёме рухавік, выдатак паліва дасягаў 8 літраў на 100 км^[2].

Усяго было зроблена 26 асобнікаў, 4 з якіх у цяперашні час захоўваюцца ў музеях.