Germplasm Resources Information Network

Germplasm Resources Information Network (GRIN, магчымы пераклад — Інфармацыйная сетка генетычных рэсурсаў) — інфармацыйны праект, які прадстаўляе генетычную і іншую інфармацыю пра жывыя арганізмы ў рэжыме он-лайн.

У 1990 годзе Кангрэс ЗША санкцыянаваў стварэнне Праграмы нацыянальных генетычных рэсурсаў (англ.: National Genetic Resources Program (NGRP)), якая павінна была забяспечыць збор, апрацоўку, захоўванне і распаўсюджванне сярод вучоных генетычнай інфармацыі пра жывыя арганізмы, важных для харчовай прамысловасці і сельскагаспадарчай вытворчасці. Праект GRIN рэалізаваны і падтрымліваецца ў актуальным стане ў рамках гэтай праграмы, якая ажыццяўляецца пад кіраўніцтвам Дэпартамента сельскай гаспадаркі ЗША.

Праект GRIN складаецца з чатырох падпраектаў, прысвечаных, адпаведна, расліным, пазваночным жывёлам, мікраарганізмам і бесхрыбтовым жывёлам:

• National Plant Germplasm System (NPGS)
• National Animal Germplasm Program (NAGP)
• National Microbial Germplasm Program (NMGP)
• National Invertebrate Genetic Resources Program (NIGRP)

GRIN Taxonomy for Plants (раздзел падпраекта National Plant Germplasm System) прысвечаны таксанаміі раслін. На персанальных старонках таксонаў відавога і інфравідавога рангу апроч таксанамічнай інфармацыі таксама прыводзяцца (у большасці выпадкаў) даныя пра распаўсюджванне, выкарыстанне, агульнаўжывальныя назвы; даецца пералік прысвечанай гэтаму таксону літаратуры, а таксама спасылкі на інтэрнэт-рэсурсы, дзе можа быць знойдзена дадатковая інфармацыя.

Спасылкі на Germplasm Resources Information Network часам не працуюць, асабліва па выхадных днях.

• Germplasm Resources Information Network: афіцыйны сайт Архівавана 14 жніўня 2009. (англ.) (Праверана 16 жніўня 2009)
• Germplasm Resources Information Network: пра праект Архівавана 9 мая 2012. (англ.) (Праверана 16 жніўня 2009)
• Germplasm Resources Information Network: карта сайта (англ.) (Праверана 16 жніўня 2009)
  • National Plant Germplasm System (NPGS) Архівавана 14 жніўня 2009. (англ.) (Праверана 16 жніўня 2009)
    • GRIN Taxonomy for Plants Архівавана 5 мая 2009. (англ.) (Праверана 16 жніўня 2009)
  • National Microbial Germplasm Program (NMGP) Архівавана 14 жніўня 2009. (англ.) (Праверана 16 жніўня 2009)
  • National Invertebrate Genetic Resources Program (NIGRP) Архівавана 18 жніўня 2009. (англ.) (Праверана 16 жніўня 2009)

• United States Department of Agriculture (USDA) Архівавана 8 ліпеня 2008. (англ.) (Праверана 16 жніўня 2009)