Эн-Мендурана
Эн-Мендурана (Эн-мен-дур-ана) (шум. En-men-dur-ana, Emmeduranki) — сёмы дадынастычны цар легендарнага перыяду да Вялікага патопу, заснавальнік дынастыі і адзіны вядомы міфічны цар чацвёртага горада-дзяржавы старажытнага Шумера Сіпара, размешчанага на поўдні старажытнай Месапатаміі. Яму прыпісваюць боскае паходжанне.
Яго імя згадваецца ў Ніпурскім царскім спісе, паводле якога Эн-Мендурана быў царом Сіпара, якім кіраваў 21000 гадоў. Пасля яго смерці новым царом стаў Убар-Туту, які кіраваў ужо ў горадзе Шурупак[1].
Існуе міф, напісаны на семіцкай мове, паводле якога Эн-Мендурана быў забраны на неба багамі Шамашам і Ададам і навучаў сакрэтам нябёсаў і землі. У прыватнасці ён навучаў мастацтву прадказання[2][3][4][5][6][7].
Эн-Мендурану часам атаясамляюць з біблейскім патрыярхам Енохам[8], таксама ўзятым на неба. Падставай для гэтага паслужыла тое, што і Эн-Мендурану, і Енох — сёмыя ў спісе патрыярхаў-доўгажыхароў. Таксама паводле Бібліі Енох пражыў 365 гадоў, а Эн-Мендурану жыў у Сіпары, звязаным з культам сонца (у сонечным цыкле 365 дзён)[9].
Зноскі
- ↑ Ніпурскі царскі спіс. Архівавана з першакрыніцы 27 кастрычніка 2012. Праверана 2 верасня 2012.
- ↑ Robert Alter. Genesis. p. 24
- ↑ John Rogerson and Philip Davies, The Old Testament World. p 203
- ↑ Wilfred G. Lambert. Babylonian oracle questions. p 4.
- ↑ Wilfred G. Lambert, Enmeduranki and Related Material. Journal of Cuneiform Studies. Vol. 21, Special Volume Honoring Professor Albrecht Goetze (1967), pp. 126—138
- ↑ J. J. Collins. The apocalyptic imagination: an introduction to Jewish apocalyptic literature. pp 44-47
- ↑ I. Tzvi Abusch, K. van der Toorn. Mesopotamian magic: textual, historical, and interpretative perspectives. p24.
- ↑ Hamilton, Victor. The Book of Genesis. The New International Commentary on the Old Testament. Eerdmans Publishing Co. 1990. pp 257—258.
- ↑ R. de Vaux, Ancient Israel, 2 volumes., tr J. McHugh (New York: McGraw-Hill, repr, 1965), 1:188.