Эліс Мертан

Эліс Мертан
Асноўная інфармацыя
Дата нараджэння	13 верасня 1993(1993-09-13)[1] (31 год)
Месца нараджэння	Франкфурт-на-Майне, адміністрацыйная акруга Дармштат, Гесэн, Германія
Краіна	Германія
Музычная дзейнасць
Прафесіі	аўтар-выканаўца, спявачка, кампазітарка, піяністка
Інструменты	вакаліст, фартэпіяна і вакал
Жанры	інды-поп і альтэрнатыўны рок
Узнагароды	Preis für Popkultur[d] (2017) Q113062373? (2018)
alicemerton.com
Медыяфайлы на Вікісховішчы

Аліса (Эліс) Мертан (ням.: Alice Merton; англ.: Alice Merton, нар. 13 верасня 1993, Франкфурт, Германія) — нямецкая спявачка ірландскага паходжання, аўтар песень. Мертан атрымала сусветную вядомасць дзякуючы свайму дэбютнаму сінглу «No Roots». У цяперашні час пражывае ў Берліне^[2].

Аліса Мертан нарадзілася 13 верасня 1993 года ў Франкфурце, Германія, у сям’і ірландца і немкі. Сям’я Мертан часта пераязджала з-за таго, што яе бацька працаваў кансультантам па горных работах. Калі ёй было тры месяцы, Мертан пераехала ў Канэктыкут. Неўзабаве пасля гэтага яны пераехалі ў Оквіль, Антарыа, Канада, дзе яна пражыла да трынаццаці гадоў, вывучаючы класічнае фартэпіяна і спевы. У 13 гадоў Мертан вярнулася ў Германію, у Мюнхен, што заахвоціла яе вывучыць нямецкую мову і дазволіла ёй пагаварыць са сваёй нямецкай бабуляй, якую яна бачыла толькі адзін раз у год. Знаходзячыся ў Германіі, Мертан напісала сваю першую песню і вучылася ў нямецкамоўнай сярэдняй школе, перш чым скончыла яе і пераехала у Англію.

У маладосці Мертан часта пераязджала, жывучы ў Оквілі (Антарыа), Канэктыкуце, Нью-Ёрку, Борнмуце, Лондане і Берліне і іншых гарадах.^[3]. У 2013 годзе Эліс паступіла ва ўніверсітэт папулярнай музыкі і музычнага бізнесу ў Мангейме, дзе яна атрымала ступень бакалаўра ў сачыненні кампазіцый і песень^[4][5]. Там жа яна пазнаёмілася з удзельнікамі яе будучага гурта.

Аліса таксама з’яўляецца ляўшою.

Упершыню Мертан стала вядомая як спявачка і кампазітар альбома «The Book of Nature» гурта Fahrenhaidt^[6].

14 лістапада 2016 года яна атрымала штогадовую ўзнагароду ў намінацыі «Акустык поп»^[7]. Пераехаўшы ў Берлін, Мертан заснавала сваю ўласную гуказапісвальную кампанію пад назвай Paper Plane Records International і ў канцы 2016 запісала песню «No Roots». На напісанне гэтай песні Мертан натхнілі бясконцыя пераезды і думка пра тое, што яна нідзе не адчувае сябе як дома. На сайце The Hype Machine і ў службе Spotify песня заняла першыя радкі чартаў і ўвайшла ў спіс некалькіх радыёстанцый. 3 лютага 2017 года Аліса запісала свой першы міні-альбом «No Roots». Альбом заняў другое месца ў нямецкіх чартах і першае месца ў французскіх. Кампанія Vodafone Germany выкарыстала аднайменную песню ў адной са сваіх рэклам. Мертан падпісала кантракт з кампаніяй Mom + Pop Music у жніўні 2017 года для раскруткі ў межах ЗША. Стала пераможцам узнагароды European Border Breakers Award.

4 жніўня 2017 года Аліса Мертан выпусціла свой другі сінгл «Hit the Ground Running», які таксама даступны праз яе ўласны лэйбл Paper Plane Records Int. Песня ўвайшла ў Топ-100 нямецкага чарта за першы тыдзень. У 2017 годзе яна з’явілася на Life Ball у Вене і Lollapalooza Berlin. На пачатку красавіка 2018 года яе сінгл «No Roots» трапіў у Billboard Hot 100 і прагучаў у тэлесерыяле «Чорны спіс». У тым жа месяцы яна выпусціла свой трэці сінгл «Lash out». Яе дэбютны альбом «Mint» быў выпушчаны ў студзені 2019 года і заняў другое месца ў нямецкім чарце альбомаў.

У 2019 годзе яна стала членам журы ў дзявятым сезоне «The Voice of Germany».

У цяперашні час Аліса Мертан пражывае ў Берліне.