Расія на конкурсе песні Еўрабачанне

Расія дэбютавала на конкурсе песні «Еўрабачанне» ў 1994 годзе. Першай прадстаўніцай краіны стала Маша Кац, якая выступала пад псеўданімам Юдіфь. Яна заняла 9 месца, што з'яўлялася лепшым дасягненнем краіны да 2000 года, калі спявачка Алсу заняла 2 месца. У пачатку 21-га стагоддзя дзяржава стала адной з самых паспяховых на конкурсе. Краіна здабыла адну перамогу (ў 2008 годзе), чатыры разы (ў 2000, 2006, 2012, 2015) займала другое месца, а таксама чатыры разы брала трэцяе месца (ў 2003 і 2007, 2016 і 2019 гадах). Акрамя таго пасля ўвядзення паўфіналаў у 2004 годзе Расія толькі аднойчы не змагла прайсці ў фінал (у 2018 годзе).

За ўсю гісторыю ўдзела Расіі ў «Еўрабачанні» толькі два спявакі вярталіся на конкурс. Гэта Дзіма Білан, які заняў другое месца ў 2006 годзе і перамог ў 2008, і Сяргей Лазараў, які заняў трэцяе месца ў 2016 годзе і прыняў удзел у 2019, паўтарыўшы свой мінулы поспех.

У 2012 расійскія ўдзельнікі абнавілі ўзроставы рэкорд удзельнікаў конкурсу. Адной з удзельніц гурта «Буранаўскія бабулі» Наталлі Пугачовай на момант удзелу было 74 гады. Аднак ужо ў 2013 годзе іх рэкорд быў пабіты ўдзельнікамі з Швейцарыі, кантрабасісту гурта Takasa было на момант удзелу 95 гадоў.

25 лютага 2022 года ЕВС заявіў аб дыскваліфікацыі Расіі з конкурсу «Еўрабачане 2022» у сувязі з уварваннем расійскіх войск ва Украіну^[1]. У адказ на гэта 26 лютага абодва расійскія вяшчальнікі (УДТРК і Першы канал) у аднабаковым парадку спынілі членства ў Еўрапейскім вяшчальным саюзе^[2]. Гэта робіць немагчымым далейшы ўдзел Расіі ў конкурсе, да таго моманту, пакуль хаця б адна вяшчальная кампанія з Расіі не ўступіць у ЕВС.

За ўсю гісторыю ўдзелу на конкурсе Расія атрымала ў фіналах 3530 балаў, а ў паўфіналах – 1892.

Год	Горад	Месца	Вядучыя
2009	Масква	Спорткомплекс «Алімпійскі»	Андрэй Малахаў і Наталля Вадзянава (паўфіналы) Іван Ургант і Алсу (фінал)

Станам на 2021 год гісторыя галасавання Расіі выглядае наступным чынам:

Большасць балаў аддалі (фінал) Месца Краіна Балы 1 Азербайджан 124 2 Украіна 108 3 Арменія 091 4 Малдова 079 5 Грэцыя 076

Большасць балаў атрымалі (фінал) Месца Краіна Балы 1 Эстонія 187 2 Латвія 175 3 Беларусь 166 4 Ізраіль 151 5 Малдова 148

Большасць балаў аддалі (усяго) Месца Краіна Балы 1 Азербайджан 213 2 Арменія 187 3 Малдова 185 4 Украіна 172 5 Грэцыя 119 Нарвегія 119

Большасць балаў атрымалі (усяго) Месца Краіна Балы 1 Малдова 267 2 Эстонія 251 3 Латвія 240 4 Азербайджан 220 5 Арменія 217

Год	Прэмія	Песня	Артыст	Фінал	Балы	Месца правядзення	Спасылка
2016	Прэмія прэсы	«You Are the Only One»	Сяргей Лазараў	3	491	Стакгольм	[3]

Год	Артыст	Месца правдзення	Спасылка
2003	Тату	Рыга	[4]

Тэлетрансляцыю конкурсу «Еўрабачанне» ў Расіі праводзілі два тэлеканалы: «Першы канал» і «Расія 1». Даволі цікавым з’яўляецца той факт, што тэлеканалы транслявалі конкурс па чарзе, мяняючыся кожны год. Аднак з 1999 па 2007 гады трансляцыяй конкурсу займаўся толькі адзін тэлеканал — «Першы канал».

• 
  Юлія Савічава ў Стамбуле (2007)
• 
  Serebro ў Хельсінкі (2007)
• 
  Дзіма Білан у Бялградзе (2008)
• 
  Анастасія Прыходзька ў Маскве (2009)
• 
  Пётр Наліч і сябры ў Осла (2010)
• 
  Аляксей Вараб’ёў у Дзюсельдорфе (2011)
• 
  Дзіна Гарыпава ў Мальмё (2013)
• 
  Сёстры Талмачовы ў Капенгагене (2014)
• 
  Паліна Гагарына ў Вене (2015)
• 
  Сяргей Лазараў у Стакгольме (2016)
• 
  Юлія Самойлава ў Лісабоне (2018)
• 
  Сяргей Лазараў у Тэль-Авіве (2019)
• 
  Маніжа ў Ротэрдаме (2021)

• Афіцыйны сайт конкурса песні Еўрабачанне (англ.)