Чэшскі масіў

Чэшскі масіў
	чэшск. Český masiv, ням. Böhmische Masse, польск. Masyw Czeski
	; Гара Снежка
	0°08′ пн. ш. 14°59′ у. д.HGЯO
Краіна	Чэхія;
Плошча	134 702 км²
Даўжыня	480 км
Шырыня	448 км
Найвышэйшая вяршыня	Снежка
Вышыня	1602 м
Медыяфайлы на Вікісховішчы

Чэшскі масіў (Багемскі масіў; чэшск.: Český masiv) — горны масіў у цэнтральнай частцы Чэхіі і ў сумежных раёнах Германіі, Польшчы і Аўстрыі.

Геаграфія

Масіў працягваецца з захаду на ўсход і мае ромбападобную форму. Працягласць яго складае каля 500 км, шырыня — да 300 км. Найвышэйшы пункт — гара Снежка (1602 м).

Уяўляе сабой выступ старажытнага фундамента герцынскай складкавай вобласці. Складзены з гнейсаў, пігматытаў, крышталічных сланцаў і гранулітаў пратэразою, сланцаў, кварцытаў і пясчанікаў палеазою, перакрыты асадкавым чахлом з мелавых і кайназойскіх парод. У выніку неаген-антрапагенавых тэктанічных рухаў масіў быў расколаты разломамі і скідамі, па якіх выліваліся вулканічныя лавы. 3 тэктанічным прагінам на паўночным усходзе звязаны Верхнесілезскі — Астраўска-Карвінскі каменнавугальны басейн.

Цэнтральная частка (вышыня 300—600 м) — узгорыстая раўніна з асобнымі падняццямі. Па ўскраінах Чэшскага масіву ўзвышаюцца сярэдняй вышыні хрыбты: Шумава на паўднёвым захадзе, Рудныя горы на паўночным захадзе, Судэты на паўночным усходзе. У паўднёва-ўсходняй частцы масіву размяшчаецца Чэшска-Мараўскае ўзвышша.

На раўніне значная частка тэрыторыі апрацавана. У гарах да вышыні 1200—1400 м мяшаныя і хвойныя лясы. Вышэй — субальпійскія лугі і хмызнякі.

Часта сустракаюцца мінеральныя крыніцы. Тут размяшчаюцца курорты, у тым ліку Карлавы Вары. Развіваецца турызм.

Зноскі

Літаратура

Чэшскі масіў // БЭ ў 18 т. Т. 17. Мн., 2003.