Луіджы Керубіні

Луіджы Керубіні
фр.: Luigi Cherubini
Асноўная інфармацыя
Дата нараджэння	14 верасня 1760(1760-09-14)[1][2][…]
Месца нараджэння	Фларэнцыя, Вялікае герцагства Тасканскае, Італія[4]
Дата смерці	15 сакавіка 1842(1842-03-15)[2][3][…] (81 год)
Месца смерці	Парыж, Парыж[d], рэгіён Іль-дэ-Франс, Метраполія Францыі, Францыя[4]
Месца пахавання	Магіла Луіджы Керубіні[d]
Краіна	Італія, Францыя
Жонка	Anne-Cécile Cherubini[d]
Месца працы	Парыжская Вышэйшая нацыянальная кансерваторыя музыкі і танца[d]
Музычная дзейнасць
Педагог	Джузэпэ Сарці
Прафесіі	кампазітар, дырыжор, музыказнавец, музычны педагог, тэарэтык музыкі
Жанры	опера
Выхаванцы	Pierre-Joseph-Guillaume Zimmermann[d], Fromental Halévy[d] і Antoine Dessane[d]
Грамадская дзейнасць
Член у	Нідэрландская каралеўская акадэмія навук Акадэмія прыгожых мастацтваў[d] (15 сакавіка 1842)[5]
Узнагароды
Медыяфайлы на Вікісховішчы

Марыя Луіджы Карла Зенобіо Сальваторэ КЕРУБІ́НІ (італ.: Maria Luigi Carlo Zenobio Salvatore Cherubini; 14 верасня 1760, Фларэнцыя, Італія — 15 сакавіка 1842, Парыж, Францыя) — італьянскі і французскі кампазітар, педагог і музычны тэарэтык, галоўны прадстаўнік жанру опера выратавання. Член Інстытута Францыі (1815).

Музыцы вучыўся ў бацькі Барталамео Керубіні, пазней у Дж. Сорці і інш. У 1784—86 працаваў у Лондане, з 1788 у Парыжы. 3 1795 у Парыжскай кансерваторыі (з 1816 прафесар, у 1822—41 дырэктар).

У час французскай рэвалюцыі канца XVIII ст. пісаў маршы, гімны, песні, харавыя творы («Гімн Пантэону», 1794; «Жалобны гімн на смерць генерала Гоша», 1797). На аснове сінтэзу традыцый французскай камічнай оперы і прынцыпаў музычнай драматургіі К. В. Глюка стварыў узоры новага жанру — «оперы выратавання». Яго уверцюры з кантрастным тэматызмам і элементамі сімфанічнага развіцця сталі правобразам уверцюр Л. ван Бетховена. Сярод твораў: оперы «Квінт Фабій» (паст. 1779), «Ладаіска» (1791), «Эліза» (1794), «Медэя» (1797), «Два дні» (1800), «Алі-Баба, або Сорак разбойнікаў» (1833); месы; 2 рэквіемы, крэда, літаніі, матэты; творы для аркестра; 6 квартэтаў (1814—37), струнны квінтэт (1837); п'есы для аргана, фартэпіяна і інш.

• Керубіні // БЭ ў 18 т. Т. 8. Мн., 1999.

	Luigi Cherubini на Вікісховішчы

• Луіджы Керубіні: Ноты твораў на International Music Score Library Project