Татуін

Татуін
Плянэта «Зорных войнаў»
Астраграфічныя зьвесткі
Рэгіён	Зьнешнія рубяжы(pl)
Сэктар	Арканіс
Сыстэма	Тату
Колькасьць сонцаў	2
Колькасьць спадарожнікаў	3
Адлегласьць ад ядра	43 000 сьветлавых гадоў
Фізычныя зьвесткі
Вада	1%
Грамадзкасьць
Насельніцтва	розныя (збольшага людзі, явы ды пясочныя людзі)
Колькасьць	200 000
Населеныя пункты	Анчархэд, Бэстын, Мос Эйсьлі, Мос Эспа
Прыналежнасьць	хаты, Галяктычная імпэрыя, Новая рэспубліка

Пра места ў Тунісе глядзіце артыкул Татавін.

Татуі́н (па-ангельску: Tatooine, ˌtætuːˈiːn) — плянэта ў сьвеце «Зорных войнаў», цэнтральнае месца шматлікіх падзеяў у сазе «Зорныя войны». Плянэта фігуруе ў кожнай сэрыі, акрамя «Імпэрыя наносіць удар у адказ», і нават у гэтым эпізодзе прынамсі згадваецца. Адной са знакавых плянэтаў сусьвету «Зорных войнаў» яна стала таксама і дзякуючы таму, што зьяўляецца роднай плянэтай Энакіна і Люка Скайўокераў.

Татуін — пустынная плянэта ў сыстэме з двума зоркамі Тату I і Тату II. Абарыгенныя жывёлы плянэты, такія як вомп-пацук, банты, сарлакі і крайт-цмокі, добра прыставаныя да сьпякотнага засушлівага клімату, а людзі вымушаныя здабываць вільгаць з паветра і жыць у падземных сховішчах. Скупасьць на прыродныя рэсурсы, сьпёка і раскіданасьць насельніцтва зрабілі кіраваньне плянэтай амаль немагчымым, і гэтым скарысталіся хаты, клан гангстэраў і крымінальных аўтарытэтаў, што аблюбавалі плянэту ў адсутнасьць увагі з боку Галяктычнае рэспублікі. Пасьля таго, як на зьмену рэспубліцы прыйшла імпэрыя, новы рэжым усталяваў на Татуіне толькі сымбалічную ўладу, і фактычным кіраўніком плянэты зьяўляўся Джаба Хат да самай сваёй гібелі ў бітве ля каркуна.

• людзі — насельнікі
• хаты — сьлімакападобныя злодзеі
• джавы — маларосьлікі, займаюцца зборам утылю ды гандлем
• пясочныя людзі — лютыя гуманоідныя бадзягі, абарыгенныя насельнікі Татуіну

Анчархэд — мястэчка, якое знаходзіцца за некалькі кілямэтраў на ўсход ад хаты сям’і Ларсаў, на поўдзень ад касмадрому Мос Эйсьлі. У асноўным населенае здабывальнікамі вільгаці.

Бэстын, «сталіца» Татуіну, знаходзіцца на захад ад Мос Эйсьлі ля паўднёва-заходняга Дзюннага мора. Гэта адно зь першых паселішчаў на плянэце. У Бэстыне абсталявала сваю апэрацыйную базу Галяктычная імпэрыя, у ратушы знаходзілася сядзіба мясцовага губэрнатара. Гэта падрабязна прадстаўлена ў «Star Wars Galaxies».

Дзюннае мора — вялікая пясочная раўніна ля Анчархэду, Моса Эйсьлі і станцыі Тошы. Населенае пясочнымі людзьмі, явамі, рэйдамі, д’юбакамі і крайт-цмокамі. Водаздабыўцы разьмяшчаюць у Дзюнным моры свае апараты для здабываньня вільгаці з паветра.

Вялікая западзіна каркуна знаходзіцца ў Дзюнным моры. Гэта вырытая сарлакам глыбокая адтуліна ў пяску, якую ён выкарыстоўвае, каб лавіць ахвяры. Ля вялікай западзіны каркуна адбываецца сутычка Люка Скайўокера з аховай Джабы дэ Хата. Большасьць прыслужнікаў і сам Джаба гінуць у гэтай западзіне.

Палац Джабы знаходзіцца ў пустыні пад назвай Дзюннае мора. З падзеяў у гэтай рэзыдэнцыі ватагі злодзеяў пачынаецца VI эпізод «Вяртаньне джэдая». Першапачаткова палац быў манастыром, збудаваным загадкавымі мніхамі б’амарамі, якія дагэтуль жывуць там.

Юндлэндзкія штрэкі займаюць большую частку ўмеранай зоны Татуіну. Гэта скалісты рэгіён, вядомы сваімі шматлікімі ўцёсамі і мноствам утоеных пагрозаў. На краі юндлэндзкіх штрэкаў у маленькай хаціне жыў Обі-Ван Кенобі ў той пэрыяд, калі ён сустрэў маладога Люка Скайўокера, што працаваў на вільгацездабыўчай фэрме сваіх родных.

Водаздабыўчыя фэрмы — маленькія сельскагаспадарчыя паселішчы ў пустынях Татуіну, якія здабываюць вільгаць з паветра і накапляюць яе ў калектарах, усталяваных на вялікай плошчы. Менавіта гэтым займаюцца родзічы Люка Скайўокера дзядзька Оўэн і цётка Бэру, якія ўзялі яго на выхаваньне.

Мос Эйсьлі — горад-касмапорт. У «Эпізодзе IV: Новая надзея» Обі-Ван Кенобі апісвае Мос Эйсьлі як «гнюсны вулей мярзоты і падступнасьці». У Мосе Эйсьлі разьмяшчаюцца бар «Мос Эйсьлі Кантына» і аркестар «Figrin D’an and the Modal Nodes».

«Мос Эйсьлі Кантына», афіцыйная назва Шынок Халмуна — бар у Мосе Эйсьлі, прытулак пілётаў-фрахтоўнікаў і іншых падазроных асобаў розных расаў. У «Star Wars Holiday Special» «Кантынай» кіруе Акмэна (Бэа Артур).

Мос Эспа — места, вядомае своеасаблівымі купальнымі будынкамі. У «Эпізодзе I: Цьмяная пагроза» тут тусуюцца хуткасныя гоншчыкі і жывуць Энакін Скайўокер са сваёй маці Шмі. У горадзе шырока практыкуецца гандаль рабамі.

Плянэта атрымала назву ад места Татавін у Тунісе, ля якога адбываліся здымкі пустынных пэйзажаў IV эпізоду^[1][2][3][4]. У самім Татавіне здымкі ня ладзіліся, аднак адбываліся ў некаторых іншых туніскіх мясцовасьцях: у Матмаце, Таўзары і на востраве Джэрба.

Па-бэрбэрску «Тытавін» літаральна азначае «вочы», а фігуральна — «водныя струмені». Назва места Тэтуан у паўночным Марока таксама мае падобнае паходжаньне.

• George Lucas, Leigh Brackett, Lawrence Kasdan, Laurent Bouzereau. Star Wars: The Annotated Screenplays. — 1997. — ISBN 0-345-40981-7
• Star Wars: Tales from the Mos Eisley Cantina / Kevin J. Anderson (editor of anthology). — 1st paperback printing. — 1995. — ISBN 0-553-56468-4
• Star Wars: Tales from Jabba’s Palace / Kevin J. Anderson (editor). — 1st edition. — 1995. — ISBN 0-553-56815-9
• Daniel Wallace, Scott Kolins. The Essential guide to Planets and Moons (Star Wars). — 1st edition. — 1998. — ISBN 0-345-42068-3

• Татуін у афіцыйнай энцыкляпэдыі StarWars.com
• Татуін (анг.) у Вукіпэдыі — вікі-энцыкляпэдыі «Зорных войнаў»

п а р Плянэты «Зорных войнаў» Плянэты Альдэраан Быс Бэсьпін Карусант Дагоба Хот Каміна Карыбан Кашыіік Мустафар Набу Татуін Явін Спадарожнікі Дксун Эндар Явін IV Іншае Галяктыка Плянэтныя сыстэмы Плянэтныя сэктары Мясцовасьці

п а р Зорныя войны. Эпізод I: Цьмяная пагроза Пэрсанажы Квай-Гон Джын Обі-Ван Кенобі Дарт Мол Падмэ Амідала Энакін Скайўокер Палпатын Мэйс Вінду Ёда Джа Джа Бінкс C-3PO R2-D2 Шмі Скайўокер Джаба Хат Ўота Баявы дроід Біб Фартуна Нут Ганрэй Сэбульба Фініс Валорум Плянэты Карусант Набу Татуін Мясьціны Карусант Мос Эспа Ота Гунга Тыд Зьвязаныя Кніга Музыка CD-ROM Гульні Кампутарная гульня «Эпізод I: Гоншчык» «Бітвы джэдаяў» «Бітва за Набу» «Прыгоды Обі-Вана» Гоначная аркада Пінбол

п а р Зорныя войны. Эпізод II: Атака клонаў Пэрсанажы Обі-Ван Кенобі Энакін Скайўокер Падмэ Амідала Палпатын Мэйс Вінду Ёда Граф Дуку Джа Джа Бінкс Шаак Ці C-3PO R2-D2 Боба Фэт Шмі Скайўокер Джанга Фэт Бэйл Аргана Жаўнер-клон Нут Ганрэй Пясочныя людзі Ўота Баявы дроід Плянэты Карусант Каміна Набу Татуін Джэанозыс Мясьціны Карусант Тыпока Тыд Мос Эспа Зьвязаныя Кніга Музыка Гульні «Star Wars Episode II: Attack of the Clones» «Star Wars Episode II: The New Droid Army»

п а р Зорныя войны. Эпізод IV: Новая надзея Пэрсанажы Дарт Вэйдэр Люк Скайўокер Прынцэса Лея Хан Сола Обі-Ван Кенобі C-3PO R2-D2 Чубака Вэдж Антылес Боба Фэт Грыда Джаба Хат Пясочныя людзі Штурмавік Ўілгаф Таркін Плянэты Татуін Альдэраан Явін IV Мясьціны Мос Эйсьлі Зьвязаныя Кніга Музыка Гісторыя «Зорных войнаў» Гульні «Star Wars» (1983) «Star Wars» (1987) «Star Wars» (1991) «Super Star Wars» «Star Wars Arcade» Іншае Хай будзе з табой Сіла Хан страляе першы «Star Wars Uncut»

п а р Зорныя войны. Эпізод VI: Вяртаньне джэдая Пэрсанажы Дарт Вэйдэр/Энакін Скайўокер Люк Скайўокер Прынцэса Лея Хан Сола Обі-Ван Кенобі Дарт Сыдыюс C-3PO R2-D2 Чубака Ёда Эвок Адмірал Акбар Вэдж Антылес Лэнда Калрысіян Імпэрская гвардыя Боба Фэт Джаба Хат Сарлак Штурмавік Плянэты Татуін Дагоба Эндар Бэсьпін Карусант Набу Мясьціны Карусант Мой Эйсьлі Тыд Зьвязаныя Кніга Музыка Гульні «Death Star Battle» 1984 1988 «Super Return of the Jedi» «Ewok Adventure»