Tlahtoani

Des Wuat Tlahtoan (t͡ɬaʔtoˈaːni), Meahzoi: Tlàhtòquê, (tɬaʔ.toʔ.keʔ) kimmt aus da Nahuaschproch und bedeit da große Schprecha. Dea des Sogn hod, da Auschoffa. Seine Eheweiwal hod ma Cihuātlàtoāni (si.waː.t͡ɬaʔ.to.ˈaː.ni) ghoaßn. Da Tlahtoani woa oiso da Hearscha, ob in ana kloan Schtod oda a da Huey Tlahtoani, da Hearscha (Kini) vo an großn Reich. De Schpania schpoda, haum de bsiagtn Mexi`ca Huey Tlahtoani, de Kaisa vo Mexico ghoaßn.

De Hearscha hobm en Titl Tlahtoani ghobd. des hod owa nix iwa eahnan Mochtbroach ausgsogd. Se habm a a greßas Deafl regian kena. Owa a an großn Schtodschtoot.

• Do jo mera Altepetl (Schtäd) aus mera vaschiednschprochign Calpulli owa a vo vaschiedanan Vökan zaumgwoxn woan, hobms a eahnane eignan Hearscha, oiso a Jeds eahnan eignan Tlahtoani ghobd.
• Des hod bedeit, das maunches Altepetl zwoa, drei Tlahtoani zglei gobd hod. A Jeda woa fia seine eigna Leid zuaschtendi. Wauns owa um de Schtod ois a Gaunzas gaunga is hobms an Eivanehma treffn miaßn.
• Greßare Schtodschtootn wia de Chalca oda de Tlaxcalla haum Schtootnbünd aus via große Schtodschtootn büt und da Tlahtoani ausm greßan, wiatschoftli bessan oda dea aus da augsehgna Famülie hod daun in da Födarazion den Ton augebm. Owa nia ohn das ned de aundan drei Tlahtoque ned zuagschimmt hedn.

So san de Hearscha vo de großn Schtootn ghoaßn wuan. De großn Tlahtoani.

• Aufengli hobm a de an Berotaschtob vo augsengne Leid ghobd und de hobm in da Regiarung und bei de Ritueu midentschiedn.
• Schpoda homds daun oiweu mera Amtal zan Vawoit vo de oiweu greßa weadandn Schtootn brauchd. De Aumta san bei de Mexica mid Midglieda vo da Hearschafamüli bsezt wuan.
• Und obwoi seidm Itzcoatl bis afm Cihuacoatl, da weiblign Schlaung, em Tlahtoani sei Schtövatreta und via de Zivüvawoitung zuaschtändi, Olle, a de eignan Briada oda Onkön, se em Tlahtoani nua Bloßfiaßig und mid gsenktn Haubt heha kema hobm deaffa, woa da Tlahtoani koa Söbsthearscha.
• Ea woa gnauso de religiösn Vuaschriftn und Vapflichtungan untawoaffa. Es is vo eahm valaungt woan, daß a da easchte Deahna vom Voik wa. Ea hod a Eafoig in de Kriag hobm miaßn und a schaugn, das oiweu gnua Noahrung (Opfa) fia de Gedda do woa.
• Des hod ois paßn soin. Midm 8 Tlahtoani em Tizocic woa ma ned so zfridn und so is a vagift wuan, so hod ma gmunköd.

Eascht da Moteuczuma, (Montezuma) is machti Söbsthearli aftretn. A gegniwa seine Vabündetn und des hod eahm a des Gnack brocha gegn de Schpania.

Da Nezahualcoyotl hod des in seim Reich nochm Sieg gegn de Tepanekn aundas guadnt.

• Weu in seim Reich a mera Vöka mid mindastns drei Schprochn glebd hobm und ea via Olle Untatanen an Fried hobm woit, san de Hearscha da greßan Schtodschtootn in seim Reich mid eahnane Altepetl frei vo Tributzohlungan gwest, owa eahnane Leid woan voi zan Wehrdeanst vapflicht gwest und de Schtäd a za da Beischtollung vom Troß bei de Kriagszüg.
• De Tributfrein Hearscha hobm owa a den Schtootsrot büt und in eahnam Breich de Grichtsboakeit ausgübd und a bei da Neiwoih vom neichn Tlahtoani a Vuaschlogsrecht ghobd.
• Da Nezahualcoyotl woa so augsegn das ea mid seim Sistem koane Problem ghobd hod. owa fia seine Nochfoiga schaugt so aus, ois wia wauns oiweu mera de Hearscha in anaOligarchie gwest wan.

• Berthold Riese, Das Reich der Azteken- Geschichte und Kultur. C.H.Beck, Minga, 2011.ISBN 978-3-406-61400-2
• Nigel Davies: Die Azteken: Meister der Staatskunst – Schöpfer hoher Kultur. Econ, Düsseldorf 1979, ISBN 3-499-16950-9.
• Serge Gruzinski: Die Azteken: kurze Blüte einer Hochkultur. Maier, Ravensburg 1992, ISBN 3-473-51028-9.

•  Commons: Aztekn – Sammlung vo Buidl, Videos und Audiodateien
• http://de.wikipedia.org/wiki/Tlatoani
• https://web.archive.org/web/20160306154650/http://www.arts-history.mx/sitios/index.php?id_sitio=185352%7C Schpanisch
• http://www.motecuhzoma.de/motecuhzoma.htm