Hiatamadl

Es Hiatamadl is a traditionella Voiksdanz, wo in Östareich und Bayern weit vabroadd is. En Danz gibts in vaschiedna Variantn. Da Nama kimmt vom Danzliadl "Koa Hiatamadl mog i net".

Da Danz hod de sejm Wuazln wia da Strohschneida, wo iwa ganz Eiropa vabroadd wor.

Koa Hiatamadl mog i net,

Hod koane dickn Wadln net.

I mog a Madl aus da Stod,

Wos dicke Wadln hod.

Vom Hiatamadl gibts vui Variantn, ois Beispui a Version ausm Cheamgau:

Takt 1-4, Schritt

8 Gehschritt in da Danzrichtung, de Aussnfiass fanga o

Takt 5, Schritt

Mit de Fuasspitzn vo de Aussnfiass oamoi vordupfa und nacha de Fiass zrucknehma.

Takt 6, Schritt

Mit de Innafiass afdupfa.

Takt 7-8, Schritt

Draaha mit 4 Schritt, oamoi im Uazoagasinn um de Poaraxn.

Takt 9-12, Schritt

Wiadaholung vom Takt 5-8.^[1]

Da Hubert vo Goisern hod draus a Pop-Version gmocht und mit seine Alpinkatzen 1992 die Hitparadn gstiamt. Ea hod spoda aa no a Version mit da moldawischn Gruppm Zdob şi Zdub afgnumma.

1. ↑ Cheamgaua Hiatamadl Cheamgaua Hiatamadl (Memento des Originals [1] vom 13. Fewer 2013 im Internet Archive)  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.volkstanzkreis-freising.de

• Herbert Lager: Österreichische Tänze, Unsere Grundformen, Österreichischer Bundesverlag, Wean 1959
• Karl Horak: Tiroler Volkstanzbuch, Musikverlag Helbling, Innschbruck, 1974.

• Hiatamadl: Noten und midi-Datai auf volksmusik.cc

• Koa Hiatamadl mog i ned (Hubert von Goisern, omodariat vom Ambros Woifal, 1991)
• Koa Hiatamadl mog i ned (Hubert von Goisern, Version vo 2011)
• Youtube: Hubert von Goisern & Zdob si Zdub - Koa Hiatamadl in Chisinau