Emfatischa Konsonant: Unterschied zwischen den Versionen

'''Emfatischa Konsonantn''' san [[Obstruent]]n mid an extrign Meakmol, des wou in Opposizion ze de [[Stimmhaftigkeit|stimmhaftn]] u [[Stimmlosigkeit|stimmlosn]] Konsonantna stejt. D Konsonantn bildn dodabei i da Regl Dreiagruppn vo stimmlos, stimmhaft un emfatisch. Des Meakmol selm ko i de Oanzlsprochn untaschidle saa. I de [[Afroasiatische Sprochn|afroasiatischn Sprochn]] kennt ma zwou Furma vo dera Emfasn, d Glottalemfasn u d Velaremfasn. D Glotalemfasn moant, dass ma d Lautt glottalisiad oda als Ejektif sagt. D Velaremfasn moant, dass ma d Lautt [[Velarisierung|velarisiad]] oda [[Pharyngalisierung|faringalisiad]]. De Emfasn wiad oft durch an Punkt unta den Buachstom gschrim. De kuschitischn Sprochn, de etiosemitischn Sprochn u zen Toal de Neisidarabischn hom a Glottalemfasn. Es [[Arabische Sproch|Arabisch]], [[Aramäische Sprochn|Aramäisch]] u d [[Berbersprochn]] hom a Velaremfasn. De Glottalemfasn braucht i da Regl an Plosif oda an Affrikat, d. h. i de velarmefatischn Sprochn, wej an Arabischn, san gweanle emfatische Frikativ-Lautt, wou de glottalemfatischn Sprochn emfatische Affrikatna hom. In [[Semitische Sprochn|Semitischn]] ko ma de folngatn (glottal-)emfatischn Lautt finna.