Hedy Lamarr

Hedy Lamarr
Publicity photo, c. 1944
Kamundagan	Hedwig Eva Maria Kiesler (1914-11-09)Nobyembre 9, 1914 Vienna, Austria-Hungary
Kagadanan	Enero 19, 2000(2000-01-19) (edad 85) Casselberry, Florida, U.S.
Pagkahimanwa	Austriano, 1914-1953; Amerikano, 1953-2000
Trabaho	Aktres, imbentor, modelo
Agom	Fritz Mandl (nagsarô, 1933–37; nagdibursyo) Gene Markey (nagsarô, 1939–41; nagdibursyo; 1 aki) John Loder (nagtsarô, 1943–47; nagdibursyo; 2 aki) Teddy Stauffer (nagsarô, 1951–52; nagdibursyo) W. Howard Lee (nagsarô, 1953–60; nagdibursyo) Lewis J. Boies (nagsarô, 1963–65; nagdibursyo)

Si Hedy Lamarr (/ˈhɛdi/; namundag Hedwig Eva Maria Kiesler, Nobyembre 9, 1914 – Enero 19, 2000) sarong Austriano Amerikanong artista sa pelikula asin imbentor. Siya huminale sa Tsekoslobakya pakatapos nin halipot na karera sa pelikula ta pigdulagan niya an agom niyang mayamanon na Austriano na nagnenegosyo sa armas. Nagpasiring siyang Paris. Duman nasumpongan niya si Louis Mayer na iyo an nagtangro saiya nin konrata sa pelikula para sa Hollywood, kun saen siya nagin lataw na artista poon mga 1930 abot mga taon 1950.

Pagkapoon kan Ikaduwang Gerang Pankinaban, siya asin katuwang si George Anthjell nakahaman nin sarong radio guidance system para sa torpedong Alyansa na naggamit nin teknolohiya na palukso-lukso an frequency ngane masakit mabagat an komunikasyon kan kalaban na poderes Axis. Sinasabing maski dai tolos ginamit an teknolohiyang ini, ini an nagin kalag kan teknolohiya sa WiFi, CDMA asin bluertooth. Mala ta an trabaho nindang ini iyo an nagin dahelan i'apil sinda sa National Inventors Hall of Fame kan 2014.

1. ↑ "Those Were the Days". Nostalgia Digest 41 (4): 38. Autumn 2016.