Edukasyon
An edukasyon (Ingles: education) o pagtukdo an proseso kan pagpaparikas nin pagkanood, o pagguno nin kaaraman, katuodan, prinsipyo, moralidad, pagtubod, asin pag-uugali. Kaiba sa mga paaaging pang-edukasyon an pagtukdo, pagpapatuod, pag-istorya, diskusyon, asin nakadirektang paghanap nin simbag. Harus nangyayari an edukasyon sa giya nin mga edukador, alagad matutukdoan man kan mga paraadal o estudyante an saindang sadiri. Mangyayari an edukasyon pwedeng sa mga pormal o impormal na paagi asin an anuman na kadanasan na nakakapag-uswag sa pag-iisip, pagmati, o paghiro nin sarong tawo iyo pwedeng mahiling bilang edukatibo. An metodolohiya o paagi nin pagtukdo iyo an inaapod na pedagohiya.
Harus nababanga an pormal na edukasyon sa mga kabtang arug kan preschool o kindergarten, hababang paadalan, halangkaw na paadalan asin pakatapos, kolehiyo, unibersidad, o pag-aaprentis.
Binibisto an deretso sa edukasyon kan pirang gobyerno asin kan Nagkakasararong Nasyon. Sa kadaklan nin mga rehiyon, sapiritan an edukasyon hasta sa sarong bistong edad. Igwa nin kahiroan para sa reporma sa edukasyon, asin urog na para sa edukasyon base sa ebidensya na may pankinabang pagboluntaryo na may katuyohan na maguno an Sustainable Development Goal 4, na minatulod nin de-kalidad na edukasyon para sa gabos.
Mga panluwas na takod
[baguhon | baguhon an source]Igwang relatibong medya para sa Edukasyon duman sa Wikimedia Commons
- Education sa Curlie
- UNESCO Institute for Statistics: International comparable statistics on education systems
- World Bank Education
- Systems Approach for Better Education Results (SABER) Archived 2020-05-09 at the Wayback Machine.
- Education Statistics (EdStats)
