Bukid Isarog

Bukid Isarog
Bukid Isarog na mahihiling sa Pili, Camarines Sur
Pinakahalangkaw na Piye
Elebasyon	2,011.6 m (6,600 ft)[1][2] 1,966 metre
Prominensiya	1,951 m (6,401 ft)[1]
Magurang na tuktok	Mayon
Nililista	Aktibong bulkan Ultra
Tagboan	13°39′33″N 123°22′24″E / 13.65917°N 123.37333°E / 13.65917; 123.37333Tagboan: 13°39′33″N 123°22′24″E / 13.65917°N 123.37333°E / 13.65917; 123.37333[1][3]
Mga dimensyon
Pagpapangaran
Heograpiya
Bukid Isarog Show map of Luzon Bukid Isarog Show map of Filipinas
Nasyon	Filipinas
Estado	Rehiyon Bikol
Rehiyon	Camarines Sur
Mga ine-erokan	Calabanga Goa Naga City Ocampo Pili Tigaon
Heolohiya
Tipo kan Bukid	Estratobulkan
Bulkanikong arko/paha	Kadena nin mga Bulkan sa Bikol
Huring pagtuga	3,500 BCE ± 125 taon (5,500 ya ± 125 taon)[4]
Pagtukad
Pinakapasil na ruta	Concosep, Tigaon, Camarines Sur na Ruta

An Bukid Isarog mahihiling sa provincia nin Camarines Sur sa isla nin Luzon, Filipinas. Igwa ini nin langkaw na 1,976 metros (6,481 piye), asin 10,112 ektarya na hiwas. Dawa ngani dai naman nagtutuga ini, klasipikado ining potentially active kan Philippine Institute of Volcanology and Seismology na boot sabihon may posibilidad pang magtuga. An mga banwaan yaon sa pamitisan kan bukid iyo an Naga, Pili, Ocampo, Tigaon, Goa, Tinambac, asin Calabanga .

An pagpasiring sa itaas na parte kan Isarog pwedeng agi sa Panicuason kan Syudad nin Naga, Curry sa Pili, Consosep sa Ocampo, Patagtag sa banwaan nin Tigaon asin iba pa.

Kun mangyari na tumuga an Isarog giraray^{[nangangaipo nin toltolan]}, ini an hararaning munisipyo na pwedeng aboton kan bulos nin lahar sa rason na yaon sana sinda sa pamitisan kan bukid na ini: an banwaan kan Tigaon, an banwaan kan Pili orog na an Tinangis asin Curry, Mayangayanga, Sta. Cruz, sa banwaan kan Goa an mga barangay kan Simra, Lamon, Turat, Pinaglabanan, Abucayan, Tagongtong, Buyo asin igdi sa Naga, an barangay kan Panicuason asin Carolina.

An bukid na ini makukuanan kan gabos na klaseng hayop asin mga tinanom na tubo sa Luzon. Kaiba na igdi an 143 na iba-ibang klaseng gamgam asin mga hayop arog kan opon (baboy damo), kabalang, mga kino arog kan bugkon, mga kulapnit, mga amid asin mga usa. Makukua man digdi an labis 1,300 na klaseng kahoy asin mga tinanom arog kan hamurawon, huyo, labnig, mga pako, asin mga lomot. Igdi manonompongan an pinakadakulang burak sa Filipinas, an "Rafflesia". An bukid iyo an kapu'ngalan kan 16 na mga salog asin sobra sa 30ng busay na nataong malinig na tubig sa 15 banwaan asin mga siyudad kan probinsya nin Camarines Sur. Ini dineklara ni Presidente Manuel Quezon na parke nasyonal kan taon 1937.^[5][6] Kan Hunyo 20, 2002 sa ri'gon kan Proklamasyon Nu. 214, an Bukid Isarog nagin nang protektadong parke nasyonal.^[7]

Yaon man digdi nageestar an mga Agta asin mga tabangnon (mga mestisong agta). Nabantog an bukid na ini kan tiempong Hapon ta digdi nagkampo an Camp Isarog Guerillas, mga gerilyang pinamayuhan na Ist. Lt. Teofilo Padua asin Kapt. Faustino Flor. Yaon man sa Panicuason, sa pamitisan kan bukid Isarog, an opisina kan Mt. Isarog Protected Area Office na iyo an nagmamato kan bukid na ini.

Igwa nin nagkapirang busay sa Bukid Isarog na nagseserbeng pinagkukuanan na natural na rekurso bilang inomon na tubig sa mga nakapalibot na komunidad digdi. An pira sa mga pamilyar na busay digdi iyo an Malabsay, Nabundulan, Tumagiti asin Magragobdob.

• 
  Busay nin Tumagiti
• 
  Busay nin Malabsay
• 
  Busay nin Balang
• 
  Slide Falls

• 
  Bukid Isarog na mahihiling sa Kinalansan na igwang umahan
• 
  Gurangan na kahoy sa Curry, Pili
• 
  Bukid Isarog na mahihiling sa Aeropuerto kan Naga
• 
  Deer Farm sa Ocampo, Camarines Sur
• 
  Bukid Isarog na mahihiling sa Bula
• 
  Bukid Isarog na mahihiling sa Barangay Antipolo, Baao, Camarines Sur
• 
  Bukid Isarog na mahihiling sa Calabanga
• 
  Bukid Isarog na mahihiling sa Barangay Nato, Sagñay

An Wikimedia Commons igwa nin medya dapit sa Bukid Isarog.

• Isarog Home Page^{[permanent dead link]}
• Mt. Isarog Natural Park Archived 2014-01-04 at the Wayback Machine.
• Websityo nin Philvocs
• Shuttle Radar Topography Mission (SRTM) data. Kinua 28-3-16

Sarong saringsing an artikulong ini. Makakatabang ka sa Bikol Wikipedia sa pagparambong kaining pahina.