Olesya Zamula

Olesya Zamula
Şəxsi məlumatlar
Tam adı	Olesya Zamula
Vətəndaşlığı	Latviya → Azərbaycan
Doğum tarixi	17 fevral 1984 (40 yaş)
Doğum yeri	Riqa, Latviya SSR
Boyu	162 sm. (5 ft 6 in)
İdman növü	Güləş
Karyera illəri	1996—2012
Məşqçisi	Semyon Kapitannihov
Medallar Avropa Çempionatı Bürünc 2011 Dortmund 63 Kq.

Olesya Zamula (17 fevral 1984, Riqa) — 1999–2005-ci illərdə Latviyanı, 2007–2012-ci illərdə isə Azərbaycanı təmsil edən qadın güləşçi.^[1]

Olesya Zamula Latviya yığmasının heyətində mübarizə apardığı 1999-2005-ci illərdə altı beynəlxalq turnirdə mübarizə apardı. 2003-cü ildə Riqa şəhərində (Latviya) baş tutan Avropa Çempionatında yeddinci pillənin sahibi olan Olesya Zamula digər turnirlərdə ciddi nəticələrə nail ola bilmədi.^{[2][3][4][5][6][7]}

2007-ci ildə Azərbaycan Güləş Federasiyası (AGF) Olesya Zamulanı Azərbaycan yığmasının heyətinə dəvət elədi. Həmin illərdə Azərbaycanda qadın güləşçilərdən ibarət yığma yeni-yeni formalaşdırılırdı. Olesya Zamula həmin dəvəti qəbul elədi və 2007-ci ildən Azərbaycan bayrağı altında beynəlxalq turnirlərdə mübarizə apardı.

2007-ci ilin avqustunda Sofiya şəhərində (Bolqarıstan) D. Kolov - N. Petrov beynəlxalq turnirində beşinci pillənin^[8] sahibi olan Olesya Zamula, sentyabrda Azərbaycanda baş tutan Dünya Çempionatını yeddinci pillədə başa vurdu və olimpiya lisenziyasına sahib oldu.^[9]

2008-ci ilin aprelində Finlandiyada Avropa Çempionatını ^[10] və iyununda Azərbaycanda Qızıl Qran-Pri beynəlxalq turnirlərini^[11] beşinci pillədə başa vuran Olesya Zamula, avqustda Çində baş tutan XXIX Yay Olimpiya Oyunlarında uğursuzluqla üzləşdi. Olimpiadanın 1/8 final mərhələsində Yaponiya nümayəndəsi Kaori İçoya 0:2 (0:2, 0:4) hesabı ilə məğlub olan Olesya Zamula, təsəlliverici qrupda ABŞ nümayəndəsi Randi Millera da 0:2 (0:2, 0:4) hesabı ilə məğlub oldu və olimpiadanı 16-cı pillədə başa vurdu.^[12][13] İlin sonunda Yaponiyada baş tutan Dünya Çempionatını isə Olesya Zamula beşinci pillədə başa vurdu.^[14]

2009-2010-cu illərdə də Olesya Zamula beynəlxalq turnirin medalına sahib ola bilmədi. 2009-cu ilin aprelində Vilnüs şəhərində (Litva) Avropa Çempionatını yeddinci pillədə^[15] başa vuran Olesya Zamula, iyulda Qızıl Qran-Pri beynəlxalq turnirində^[16], sentyabrda da Dünya Çempionatında beşinci pillənin^[17] sahibi oldu. 2010-cu ildə Olesya Zamula Azərbaycanda baş tutan Avropa Çempionatının beşinci pillədə^[18], Austrian Ladies Open və Qızıl Qran-Pri beynəlxalq turnirlərini isə beşinci pillədə başa vurdu.^[19][20]

2011-ci il isə Olesya Zamula üçün uğurlu mövsüm oldu. Olesya Zamula əvvəlcə fevralda İstanbul şəhərində Yaşar Doğu beynəlxalq turnirnin gümüş medalına^[21] sahib oldu, sonra isə martda İsveçdə baş tutan Klippan Lady Open beynəlxalq turnirini beşinci pillədə başa vurdu.^[22]

28 mart-4 apreldə isə Almaniyanın Dortmund şəhərində mövsümün birinci nüfuzlu turniri hesab olunan Avropa Çempionatı baş tutdu.^[23] Olesya Zamula 1/8 final mərhələsində Rumıniya nümayəndəsi Mihaela Panaita 2:0, 1/4 final mərhələsində Türkiyə nümayəndəsi Leyla Mətinə 2:0 hesabı ilə qalib gəldi və turnirin yarım-final mərhələsinə adladı.^[23] Bu mərhələdə Ukrayna nümayəndəsi Yuliya Taça 1:2 hesabı ilə məğlub olan Olesya Zamula, bürünc medal uğrunda görüşdə Latviya nümayəndəsi Laura Sujinaya 2:1 hesabı ilə qalib gəldi və Avropa Çempionatının bürünc medalına sahib oldu.^[23]

Daha sonra Olesya Zamula iyunda Austrian Ladies Open beynəlxalq turnirini yeddinci pillədə^[24] başa vurdu, iyulda isə Qızıl Qran-Pri beynəlxalq turnirinin bürünc medalına sahib oldu.^[25]

Olesya Zamula 2012-ci ilin fevralında Kiyev beynəlxalq turnirinin bürünc medalına sahib oldu^[26], martda isə Belqrad şəhərində (Serbiya) baş tutan Avropa Çempionatını 14-cü pillədə başa vurdu.^[27]

Bu turnirdən sonra 28 yaşlı Olesya Zamula idmanla vidalaşdı.^[28]

Sıra	İl	Yarış	Ev sahibi	Nəticə
Latviya
1	1999	Yeniyetmələrin Dünya Çempionatı	Polşa	12.
2	2003	Avropa Çempionatı	Latviya	7.
3		Gənclərin Dünya Çempionatı	Türkiyə	11.
4	2004	Dünya Olimpiya Təsnifat Turniri	Tunis	12.
5		Gənclərin Avropa Çempionatı	Bolqarıstan	7.
6	2005	Dünya Çempionatı	Macarıstan	22.
Azərbaycan
7	2007	D. Kolov - N. Petrov Turniri	Bolqarıstan	5.
8		Dünya Çempionatı	Azərbaycan	7.
9	2008	Avropa Çempionatı	Finlandiya	5.
10		Qızıl Qran-Pri	Azərbaycan	5.
11		Olimpiya Oyunları	Çin	16.
12		Dünya Çempionatı	Yaponiya	5.
13	2009	Avropa Çempionatı	Litva	7.
14		Qızıl Qran-Pri	Azərbaycan	5.
15		Dünya Çempionatı	Danimarka	5.
16	2010	Avropa Çempionatı	Azərbaycan	5.
17		Austrian Ladies Open	Avstriya	7.
18		Qızıl Qran-Pri	Azərbaycan	7.
19	2011	Yaşar Doğu Turniri	Türkiyə	2.
20		Klippan Lady Openn	İsveç	5.
21		Avropa Çempionatı	Almaniya	3.
22		Austrian Ladies Open	Avstriya	7.
23		Qızıl Qran-Pri	Azərbaycan	3.
24	2012	Kiyev Turniri	Ukrayna	3.
25		Avropa Çempionatı	Serbiya	14.