BadClause

BadClause
Mirmövsüm Elşən oğlu Əhmədov
Ümumi məlumatlar
Doğum tarixi	5 iyul 1997(1997-07-05) (27 yaş)
Doğum yeri	Xırdalan, Abşeron rayonu, Azərbaycan
Musiqiçi məlumatları
Fəaliyyəti	repçi, söz yazıçısı[d]
Fəaliyyət illəri	2013-cü ildən
Səs tembri	bariton
Təhsili	Ankara Universiteti
Vikianbarda əlaqəli mediafayllar

Badclause (əsl adı: Mirmövsüm Elşən oğlu Əhmədov; 5 iyul 1997, Xırdalan) — Azərbaycan rep sənətçisi.

Badclause ləqəbli Mirmövsüm Əhmədov 5 iyul 1997-ci ildə Abşeron rayonu, Xırdalan şəhərində anadan olmuşdur. Orta təhsilini Bakı Türk Anadolu Liseyində almış, daha sonra isə Ankara Universitetinin rejissorluq fakültəsinə qəbul olmuşdur.^[1]

Rep musiqisi ilə ilk dəfə 10–11 yaşlarında Türkiyə repindən olan Ceza ilə tanış olub, yerli qrup olan H. O. S. T ilə maraq dairəsini genişləndirib, bənzər mətnlər yazmağa başlayıb. Dövrünün gənc nəsil musiqiçilərinin yaradıcılıqları ilə yaxından maraqlanaraq sənəti barədə kifayət qədər məlumat və dünyagörüşü toplamağa çalışıb.^[1][2]

2013-cü ilin ortalarından rap musiqisiylə məşğul olmağa başalayır. Bir müddət sonra "X. R. B Records" tərkibinə daxil olur.

2014-cü ilin əvvəlləri həvəskar olaraq ərsəyə gətirdiyi "İLK" adlı EP albomunu hazırlayır, amma tam formatda albom olaraq işıq üzü görmür.

2015-ci il 30 mart tarixində "Mən Piyanam" adlı ikinci (ilk peşəkar) albomu 45 nüsxə olaraq, albom təqdimatıyla işıq üzü görür.

2016-cı il 9 yanvar tarixində "Günbatımı" adlı track kütlə tərəfindən böyük maraqla qarşılanır və bu da növbəti albomun işlənməyinə şərait yaradır.

2016-cı il 5 iyul tarixində "Qızılgül" adlı növbəti albomu 150 nüsxə şəklində, albom təqdimatıyla uğurlu olaraq işıq üzü görür. Bu albomdan olan "Qızılgül" və "Sübh" adlı parçalar dinləyicilər tərəfindən sevilir və lazımi qədər tanınır.

2016-cı il 27 noyabr tarixində "Insomnie" adlı ilk konsert 1984 Pub-da baş tutur. Dinləyicilərin və qonaqların (TarlanThis, Hasan Badalbayli, Eren Mumcu) müşayiəti ilə konsert, 130+ nəfərlik auditoriya ilə uğurlu şəkildə başa çatır.

2017-ci il 19 fevral tarixində "Insomnie" adlı sayca dördüncü albomu 30 xüsusi nüsxə ilə dinləyicilərə təqdim olunur. Digər albomlardan fərqli olaraq bu albom daha peşəkar işlənilir. Və albomda yerləşən 7 parçanın hər biri fərqli musiqiçiylə duet şəklində işıq üzü görür. Bu albomun ardından isə "Geridə Qalan 3 il","Günəş","Sevdim Səni" və.s bənzər proyektlərlə gündəmdə qalmağı bacarır.

2018-ci il boyunca "Rəsm","Qürur","Deyəsən unutmusan" kliplərini təqdim edir və bənzər parçaları ilə yaradıcılığına davam edir.^[3]

2018-ci ildə isə PRoMete və Alim Qasımovun da duet ortağı olduğu 4 parçadan ibarət "Havaodsutorpaq" adlı sayca beşinci albomu işıq üzü görür.

Albomun ardından bir müddət fasilədən sonra sırası ilə Şahin Əlizadə ilə birgə ifa etdiyi "Güzgüdə bir kəs" trekini, "Heyif" trekini, Həsən Bədəlbəyli ilə birlikdə ifa etdiyi "4 Fəsil Öncə" trekini 2019-cu il 5 iyul tarixində isə sözügedən treklərin də daxil olduğu "Sonuncu Səhifə" adlı sayca altıncı albomunu izləyicilərə konsertlə birlikdə təqdim edir.

Albomun ardından bir neçə sinql onlayn olduqdan sonra 2020-ci ildə "BadClause Acoustics" başlığı altında 4 akustik parça işıq üzü görür.

Hazırda karyerasına solo olaraq davam edir.

• 2016-cı il 27 noyabr tarixində "Insomnie" adlı ilk konsert.

• 2023-cü il oktyabrın 15-də karyerasının 10 illik yubileyinə həsr olunmuş "10 il" adlı solo konsert verdi.^[4]
• 2024-cü il aprelin 21-də növbəti solo konserti baş tutdu.^[5]
• 2024-cü il iyunun 6-da açıq hava konserti baş tutacaq.^[6]