Çiriş (Qafan)

Tarixi Zəngəzur mahalı əraziləri
Çiriş
Ümumi məlumatlar
Ölkə	Ermənistan
Bölgə	Mərz: Sünik mərzi Rayon: Qafan rayonu (1930-1995)
İnzibati mərkəz	Qafan
Saat qurşağı	UTC+04:00
Xəritədə yeri
Çiriş

Çiriş — Ermənistan Respublikasının cənubunda Sünik mərzində keçmiş Qafan rayonu ərazisində mövcud olmuş azərbaycanlılar yaşamış kənd.

Kənd Qafan şəhərindən 32 km şimal-qərbdə, Kurud kəndindən isə 2 km cənub-şərqdə, dağ ətəyində yerləşir.^[1]

Kənddə 1897-ci ildə 27 nəfər, 1922-ci ildə 73 nəfər, 1926-cı ildə 79 nəfər, 1931-ci ildə 95 nəfər azərbaycanlı yaşamışdır.^[2]

1918-ci il qaçqınlığından sonra əhalisinin bir hissəsi geri qayıdan Çiriş kəndi 1939-cu ildə qonşu Kurud kəndi ilə birgə təşkil edilən kolxozda birləşdi. 1965-ci ildə Çirişin də daxil olduğu Kurud kolxozu Gığı heyvandarlıq sovxozuna birləşdirildi.

50-ci illərdə Kurud və Kirs kəndlərinə köçən Çiriş əhalisi 1988-ci ildə Ermənistandan digər azərbaycanlılar kimi deportasiya olundular. Çirişlilər hal-hazırda əsasən Abşeron rayonunda məskunlaşıblar.^[3]

Toponim asfodelinakimilər fəsiləsinə aid bitki cinsi olan çirişin adı əsasında əmələ gəlmişdir. Fitotoponimdir. Quruluşca sadə toponimdir.^[4]

• Kurud
• Kirs

• Wikimapia.org: Çiriş

1. ↑ Musa Urud: «Zəngəzur», Bakı, "Nurlar", 2005. Arxivləşdirilib 2012-07-25 at the Wayback Machine: «Düzəliş-Əlavə» hissəsi
2. ↑ Musa Urud: «Zəngəzur», Bakı, "Nurlar", 2005.: «Düzəliş-Əlavə» hissəsi
3. ↑ Musa Urud: «Zəngəzur», Bakı, "Nurlar", 2005.: «Düzəliş-Əlavə» hissəsi
4. ↑ İbrahim Bayramov: «Qərbi Azərbaycanın türk mənşəli toponimləri», Bakı, "Elm", 2002.