شانسون
| ||||
|---|---|---|---|---|
 | ||||
| نوع موسيقى | ||||
| جزء من | كباريه | |||
تعديل  |
||||
شانسون Chanson كلمه فرنساوى معناها اغنيه. و على كده الأغانى من نوعية الشانسون هى أغانى بتتغنى بطريقة الغنا الريقه تقليديه او طريقه حديثه. الاكورديون هو أهم الة مزيكا بتصاحب أغانى الشانسون التقليديه. مغنى الشانسون بيتسمى شانتور chanteur و نصوص أغانى الشانسون و نوتها المتجمعه فى كراسه او كتب بالخصوص من العصور الوسطى و عصر النهضه بتتسمى شانسونير Chansonnier يعنى " كتاب الأغانى ".
اغنية الشانسون تاريخها قديم ، فى العصور الوسطى استخدمها مغنيين التروبادور Troubadour فى اغانيهم العاطفيه اللى فى العاده كانت بتتكلم عن الحب. اقدم أغانى الشانسون هى " الشانسون دى جيست " Chanson de geste و دى كانت أغانى أشعارها ملحميه بتحكى سير ابطال قدام و حكايات تاريخيه خرافيه و شبه خرافيه من اشهر الأغانى دى كانت اغنية رولاند La Chanson de Roland اللى جزء منها بيحكى بخلط خرافى عن بطولات الملك شارلمان. و فيه نوعيه معروفه بإسم " الشانسون الصليبيه " Chanson courtoise و دى ازدهرت فى القرن الاتناشر و التلتاشر .
من اشهر مغنيين الشانسون فى فرنسا فى القرن العشرين جاك بريل Jacques Brel و جورج براسانس Georges Brassens و ايديت بياف Édith Piaf و غيرهم. انتشرت أغانى الشانسون فى اوروبا و بتتغنى باللغات المحليه. رمسيس شافى كان من اشهر مغنيين الشانسون فى نيديرلاند.