Pronunciación y silabación: [ ˈpa.lu ]

masculín singular palu; plural palos

1. Pieza allargada y estrecha, con forma normalmente cilíndrica, de madera o otru material asemeyao.
2. El mangu d'una escoba, d'un cazu o d'una ferramienta en xeneral, fechu normalmente de madera.
3. Madera, referío sobre too al material colo que ta fechu un oxetu. → con esti significáu, ye sustantivu non cuntable; ensin plural

   Una cuyar de palu

4. (Náutica) Pieza normalmente de madera, allargada, cilíndrica y recta, puesta verticalmente nuna embarcación destinada a tener peles veles.
5. Golpe que se da o se recibe.
6. (Escritura) Trazu rectu que s'escribe pa componer dalgunes lletres o cifres.
7. (Xuegos) Caúna de les cuatro series identificaes por una figura carauterística nes que se divide una baraxa.

Sinónimos[editar]

• [2] mangu
• [3] madera
• [4] mástil
• [5] golpe

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.