• [ ˈɣa.ʎu ]

«gallu»

(rexistru)

Anagrama: llagu, lluga

masculín singular gallu; plural gallos

1. (Ornitoloxía), (Ganadería) Machu de l'ave doméstica que se cría p'aprovechar la carne, caracterizáu por nun ser a volar, presentar una cresta encarnada, un cantar fuerte y tener más desarrollaes que l'exemplar fema les plumes traseres formando una especie de cola, de nome científicu Gallus gallus domesticus.
2. (Ornitoloxía) Ave de tamañu medianu y cuerpu arredondiáu, que prefier movese per tierra que volar, con un plumaxe diferente según el sexu, siendo'l machu de pluma negro con zones verdes y marrones, y presentando un rabu llargu en forma d'abanicu cuando ta abiertu, y siendo la fema de pluma pardo con pintes blanques y arroxaes, de nome científicu Tetrao urogallus.
3. (Ictioloxía), (Alimentación), (Gastronomía) Pexe marín de cuerpu ovaláu y aplanáu horizontalmente que pue algamar los 60 cm de llargor, de color amarronao claro, a vegaes con manches escures, de boca grande oblicua cola calláxina inferior mayor que la superior, de nome científicu Lepidorhombus whiffiagonis.
4. (Ictioloxía), (Alimentación), (Gastronomía) Pexe marín de cuerpu ovaláu, allargáu y aplanáu horizontalmente que pue algamar los 40 cm de llargor, de color amarronao, de cabeza pequeña, boca y güeyos grandes, con cuatro manches escures na parte final de les aletes dorsal y anal, de nome científicu Lepidorhombus boscii.

Sinónimos[editar]

• [1] gallón, pitu
• [2] faisán, gallu montés
• [3] soyu ~ sueyu, güeyón, rapapelu, soya ~ sueya
• [4] güeyón, rapapelu, soya ~ sueya

Pallabres rellacionaes[editar]

• [1] gallina, pollu; quiquiriquí, cacarexar

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Diccionario General de la Lengua Asturiana; Xosé Lluis García Arias, Editorial Prensa Asturiana, 2002-2004, Uviéu; ISBN: 84-87730-86-8. Versión on-line.
• Diccionariu Asturianu-Castellanu; Xuan Xosé Sánchez Vicente, ed. Trabe, Uviéu, 2021; ISBN: 978-84-18286-67-4.
• Diccionariu de consultes llingüístiques del asturianu, Ramón d'Andrés Díaz, Ediciones Trabe, 2021, Uviéu; ISBN: 978-84-18286-55-1.
• Nomenclátor de los seres vivos en llingua asturiana, Sabencia - Sociedá Asturiana de les Ciencies. Consulta on-line.

• Consulta l'artículu de Wikipedia.