Lill-Babs

Lill-Babs
Vida
Nacimientu	Järvsö församling (en) [1], 9 de marzu de 1938[1]
Nacionalidá	Suecia
Llingua materna	suecu
Muerte	Stockholms Hedvig Eleonora (en) [1], 3 d'abril de 2018[2] (80 años)
Sepultura	Järvsö Cemetery (en) [3]
Causa de la muerte	insuficiencia cardiaca
Familia
Casada con	Lasse Berghagen (1965 – 1968)[1] Kjell Kaspersen (1969 – 1973)[1]
Fíos/es	Kristin Kaspersen[3] Malin Berghagen[3] Monica Svensson
Estudios
Llingües falaes	suecu
Oficiu	cantante, actriz, presentadora de televisión, autobiógrafa
Participante Festival de la Canción de Eurovisión 1961 (es)
Premios	ver [[]]  (1994) [4]
Miembru de	Q18332820
Seudónimos	Lill-Babs[6]
Xéneru artísticu	pop soul
Instrumentu musical	voz
Discográfica	Polydor Records Philips CBS Records AB
IMDb	nm0510323
lill-babs.com

Lill-Babs, nome artísticu de Barbro Margareta Svensson (Järvsö, Gävleborg; 9 de marzu de 1938-3 d'abril de 2018),^[7] foi una cantante, presentadora de TV y actriz sueca. De los principios de los años 1950 hasta la so muerte en 2018, foi una de les cantantes sueques más conocida y popular. Representó a Suecia nel Festival del Cantar d'Eurovisión en 1961 en Cannes, Francia, col cantar "April, april". Foi tamién bien conocida pol cantar "Är du kär i mej ännu Klas-Göran?"

Lill-Babs nació en Järvsö, provincia de Gävleborg, siendo la primoxénita de Britta y Ragnar Svensson. A los 15 años, cantó nel programa de radio Morgonkvisten como "nuevu talentu". El cazatalentos suecu Simon Brehm oyer y contautó con ella pa una audición nel so estudiu en Estocolmu. L'audición foi bien, y camudóse a Estocolmo pa empezar una carrera nel mundu de la música.

En 1954, grabó'l so primer discu "Min mammas boogie" sol nome artísticu "Lill-Babs", combinación de la pallabra sueca "lilla" (pequeña) y Babs, nome hipocorísticu inglés pal nome Barbro/Barbara. Cuando'l so nome empezaba a espuntar, Lill-Babs quedó embarazada, al tar soltera'l fechu yera potencialmente escandalosu na Suecia de mediaos de los años 1950. Siguió trabayando mientres pudo esconder el so embaranzu, depués foi a Järvsö onde dio a lluz a la so fía, Monica. Tres dalgún tiempu en casa, volvió retomar la so carrera. Sicasí, Simon Brehm atopara un nuevu vocalista y riquía los sos servicios. Lill-Babs recibió una ufierta pa faer una xira con una banda rival liderada por Kettil Olsson. Tres la xira y un par de conciertos nel club de jazz Nalen d'Estocolmu, recibió una llamada de Simon Brehm pidiéndo-y volver trabayar con él. Ella aceptó la so ufierta y actuó en munchos conciertos nel palaciu de baille Bal Palais n'Estocolmu y en delles xires.

En 1958, produció la so primer xira y participó na película Fly mig en greve col cómicu Carl-Gustaf Lindstedt. Grabó munchos cantares, como la novedosa "Är Du Kär I Mig Ännu Klas-Göran?", "Lleva Livet" y "En tuff brud i lyxförpackning", que fueron ésitos de ventes en Suecia. "Är Du Kär I Mig Ännu Klas-Göran" foi compuesta pol entós casi desconocíu Stig Anderson. Anderson escribió munchos ésitos de Lill-Babs nos años de 1960 y primeros años de 1970 depués ganaría fama como mánager del grupu ABBA.

Na década de 1960, creóse'l club de fanes de Lill-Babs llamáu Splorr que se convirtió nel más grande de Suecia con 17 000 miembros. El númberu de miembros foi tan alto que'l club foi malo de xestionar y los costos llevaron al club a la quiebra.

Mientres esi tiempu Lill-Babs trabayó enforma n'Alemaña Occidental, onde se producieron munchos de los sos discos, programes de televisión y películes. Como resultáu d'ello convirtióse nuna gran estrella n'Alemaña, considerada tan popular como l'artista televisiva Caterina Valente. En 1961 representó a Suecia nel Festival del Cantar d'Eurovisión 1961 col cantar "April, april" en Cannes, participaría n'otres preseleiciones nacionales pa Eurovisión tantu en Suecia como en Noruega.

Unu de los fechos más sorprendentes na carrera de Lill-Babs tuvo llugar el 30 d'ochobre de 1963 cuando n'actuando nel programa de la televisión sueca Drop-In, robló autógrafos pa los encantaos mozos d'una banda británica de Liverpool llamada The Beatles que diben realizar una de les sos primeres actuaciones fora del Reinu Xuníu.^[8]

L'ésitu de Lill-Babs "Välkommen Till Världen", orixinalmente compuesta pa competir nel Melodifestivalen de 1971, ye d'importancia na hestoria d'ABBA yá que foi escrita y producida por Björn Ulvaeus y Benny Andersson y nella fixeron los coros Anni-Frid Lyngstad y Agnetha Fältskog.

En 1974, Lill-Babs interpretó'l papel principal na versión sueca del musical Annie Get Your Gun, empobináu y escritu por Åke Falck. La obra foi representada nel estadiu de ḥoquei Scandinavium de Gotemburgu con 12 representaciones y más de 100 000 entraes vendíes. Recibió escelentes crítiques y foi reconocida como una artista touterrén. Nes siguientes trés décades actuaría en cabarés como'l Berns Salonger y el Hamburger Börs en Estocolomo, vendiendo toles entraes, de cutiu con material escritu especialmente pa ella polos renombráu escritores suecos Lars Forssell y la cantautora Barbro Hörberg.

En 1996 publicó la so autobiografía Hon är jag. Tien trés fíos de distintos padres y casóse en delles ocasiones. Una d'elles con Lars Berghagen ente 1965 y 1968, con quien tuvo a la so fía Malin Berghagen que tuvo casada con Tommy Nilsson. Apaeciendo con disgustu nos tabloides suecos mientres les últimes cuatro décades. En 2011 siguía nel mundu del espectáculu y siguía actuando en Suecia. En xineru de 2012, apaeció nun sellu de correos suecu.^[9]

Lill-Babs morrió'l 3 d'abril de 2018, dempués de carecer de cáncer y de insuficiencia cardiaca.

El día de la so muerte tantu la programación de SVT y TV4 fueron camudaes presentando programes al aire alrodiu de Lill-Babs. La empresa SVT presentó'l documental realizáu nel añu 2004. Mientres TV4 fixo cambeos na so programación p'amosar un documental del 2017 y unu del 6 d'abril que correspondio a una presentación del 2010. Mientres l'anunciu de la so muerte pela mañana, Malou von Sivers' faló de la so muerte nel show de Efter Tio. Sveriges Radio tamién camudo la so programación y presentó progamas nel aire.

Lill-Babes tuvo casada col cantante Lasse Berghangen de 1965 a 1968. Tuvo casada col fubtolista noruegu Kjell Kaspersen de 1969 a 1973. Tuvo trés fíos: Monica Svensson (nacida en 1955), Malin Berghagen (nacida en 1966), and Kristin Kaspersen (nacida en 1969).

Publicó la so autobiografía Hon är jag en 1996.

Nel añu 20|7, foi inducida nel Salón de la Fama de Suecia.

• Svensson, Barbro & Anna Wahlgren: Lill-Babs - Hon Är Jag: Minnen Av Ögonblick, Bra Böcker 1996 ISBN 91-7133 184 0
• Palm, Carl Magnus: Bright Lights - Dark Shadows, Omnibus Press UK 2001, ISBN 978-0711991941
• Palm, Carl Magnus: ABBA - The Complete Recording Sessions, Century 22 Limited UK, 1994. ISBN 0-907938-10-8

• Wikimedia Commons acueye conteníu multimedia sobre Lill-Babs.

Predecesor: Siw Malmkvist con Alla andra får varann

Suecia nel Festival d'Eurovisión 1961

Socesor: Inger Berggren con Sol och vår