James Lipton

James Lipton
emérito (es) 2005 - decano (es) Actors Studio Drama School at Pace University, Estaos Xuníos (en) 1994 - 2004
Vida
Nacimientu	Detroit, 19 de setiembre de 1926[1]
Nacionalidá	Estaos Xuníos
Llingua materna	inglés
Muerte	Manhattan[2], 2 de marzu de 2020[3] (93 años)
Causa de la muerte	cáncer de vejiga (es) [4]
Familia
Padre	Lawrence Lipton
Casáu con	Nina Foch (1954 – 1959)
Estudios
Estudios	Central High School (en) Universidá Estatal de Wayne
Llingües falaes	inglés
Oficiu	actor, guionista, poeta, presentador de televisión, profesor, llibretista, escritor, actor de televisión, novelista, actor de cine, compositor, aviador, productor de televisión, productor de cine
Emplegadores	Universidá Pace
Premios	ver caballeru de les Artes y les Lletres
Creencies
Relixón	ateísmu
IMDb	nm0513851

James Lipton (19 de setiembre de 1926, Detroit – 2 de marzu de 2020, Manhattan) foi un escritor, compositor y actor d'Estaos Xuníos. Ye'l decanu eméritu de la Actors Studio Drama School de Pace University en Nueva York. Ye amás el productor executivu, guionista y presentador del programa de televisión Inside the Actors Studio, que debutó en 1994. Gracies al so programa, foi nomáu a 15 premios Emmy, y en 2007 recibió un Emmy pola so trayeutoria.

Ye tamién pilotu y miembru de l'Aircraft Owners and Pilots Association. Lipton llogró'l grau de caballeru de la Orde de les Artes y les Lletres de Francia.

Lipton nació en Detroit (Michigan), fíu de Betty Weinberg, profesora, y Lawrence Lipton, periodista d'orixe polacu.^[5][6] El so padre foi l'autor del llibru The Holy Barbarians, que tuvo una bona acoyida dientro de la xeneración beat.^[5] En 1944, James Lipton graduóse na Central High School en Detroit.

Unu de los sos primeros papeles como actor foi'l personaxe Dan Reid, nel radioteatro de El llaneru solitariu.^[7] Lipton trabayó como guionista en delles series televisives, como Another World, The Edge of Night, Guiding Light, Return to Peyton Place y Capitol.^[8] En 1951 actuó na obra de teatru The Autumn Garden, de Lillian Hellman. Dos años dempués apaeció na película independiente The Big Break, dirixida por Joseph Strick.

Lipton escribió'l musical de Broadway Sherry!, que tuvo basáu na obra The Man Who Came to Dinner de Moss Hart y George S. Kaufman. La música tuvo al cargu de Laurence Rosenthal. En 1968 publicó un llibru tituláu An Exaltation of Larks. Foi'l productor executivu de la gala d'inauguración presidencial de Jimmy Carter, la primera na historia en ser televisada. En 1983 publicó la novela Mirrors, que foi darréu afecha nuna película pa televisión.

En 1994 debutó'l programa de televisión Inside the Actors Studio, nel cual Lipton participa como guionista, productor y presentador. En cada episodiu del programa hai un invitáu distintu, yá sea un actor, direutor o guionista, que ye entrevistáu por Lipton alrodiu de la so carrera. Lipton entrevistó a más de 250 persones nel programa.^[7][9] Inside the Actors Studio tuvo nomáu a 15 premios Emmy.^[10]

Lipton actuó na serie Arrested Development, onde interpretó al direutor d'una prisión. Amás, participó como actor de voz na película animada Bolt, de Disney. En 2007 recibió un premiu Emmy pola so trayeutoria.^[11]

Lipton tuvo casáu cola actriz Nina Foch ente 1954 y 1959. En 1970 volvió contraer matrimoniu, esta vegada con Kedakai Turner.^[6]