El tercer home

El tercer home
Datos
Títulu orixinal	The Third Man (en)
Xéneru	cine negro (es) [1], cine de misteriu[2], cine dramáticu, cine de suspense[3] y cine d'aventures[3]
País d'orixe	Reinu Xuníu
Estrenu	2 setiembre 1949 (Festival de Cannes 1949) 6 xineru 1950 (Alemaña) 1r setiembre 1949 (Reinu Xuníu)
Idioma orixinal	inglés[6], alemán[6] y rusu[6]
Duración	104 min 93 min
Llugar de la narración	Viena[6] y ocupación aliada de Austria (es) [6]
Rodaxe	Austria y Viena
Formatu	1.37:1
Color	en blancu y negru
Ficha téunica
Direición	Carol Reed[7]
Producción	Alexander Korda, David O. Selznick y Carol Reed
Guión	Graham Greene Orson Welles Alexander Korda
Música	Anton Karas
Fotografía	Robert Krasker
Edición	Oswald Hafenrichter
Repartu	Orson Welles[9], Joseph Cotten[9], Alida Valli[9], Trevor Howard[9], Bernard Lee[9], Wilfrid Hyde-White[9], Ernst Deutsch[9], Paul Hörbiger[9], Annie Rosar[9], Erich Ponto[9], Siegfried Breuer[9], Hedwig Bleibtreu[9], Karel Štěpánek (es) , Helga Michie[10], Carol Reed[11], Geoffrey Keen[11], Robert Brown[11] y Martin Miller[11]
Ver llista completa
Compañíes
Productora	London Films (en)
Distribuidora	The Criterion Collection (es) y Netflix
Premios y nominaciones
Premios	ver BAFTA a la meyor película británica (1950) Academy Award for Best Cinematography, Black-and-White (en) (1949) Gran Premiu del Xuráu (1949)
Nominaciones	ver Óscar al meyor direutor (1951) BAFTA a la meyor película (1950) Óscar al meyor montaxe (1951) Anexo:Premio del Sindicato de Directores a la mejor dirección (es) (1949) Academy Award for Best Cinematography, Black-and-White (en) (1951)
Calificaciones
CNC	tolos públicos[12]
FSK	FSK 12
Enllaces esternos
Ficha n'IMDb
Ficha en FilmAffinity

El tercer home (inglés: The Third Man) ye un filme británicu del añu 1949 dirixíu por Carol Reed, con Joseph Cotten, Orson Welles y Alida Valli nos papeles principales. El guión escribiólu Graham Greene. Rodóse en London Film Studios (Shepperton, Inglaterra) y los esteriores n'Austria. La música d'Anton Karas, interpretada por él mesmu en cítara, foi un éxitu y llegó a los primeros llugares en 1950.

Dobláu al asturianu por Gonzali Producciones en 2011. Esi mesmu añu editólu la productora en DVD. Illán Gonzali dirixó y produció'l versionáu.

El doblaxe El tercer home estrenóse'l 5 de febreru de 2011 nel Centru de Cultura Antiguu Institutu de Xixón.

Holly Martins (Joseph Cotten), escritor de noveles del oeste barates, llega a Viena en 1947 cuando la ciudá ta dixebrada en cuatro zones ocupaes polos aliaos de la Segunda Guerra Mundial. Holly llega reclamáu por un amigu de la infancia, Harry Lime (Orson Welles), que-y prometiera trabayu. Pero'l mesmu día de la so llegada coincide col entierru de Harry, que foi atropelláu por un choche. Holly conoz y namórase d'Anna, que yera la moza del so amigu.

Énte un conxuntu de datos contradictorios, Holly escomienza a investigar la muerte de Harry, sospechando qu'igual fuera asesináu. El xefe de la policía militar británica descúbre-y que'l so amigu andaba metíu na trama del mercáu negru.

Masque dende'l principiu propunxéron-y escribir el guión d'una película ambientada na Viena de posguerra, cola presencia de les cuatro potencies ocupantes, Graham Greene prefirió escribir la trama en forma de novela. Aquella ye la manera única, aseguraba, de poder planificar el guión, que sería más tarde ellaboráu pol propiu novelista y pol productor, Alexander Korda. Greene siempres defendió que la versión de la película yera muncho meyor que la del llibru (incluyíu'l final, que ye distintu), lo que nun torgó qu'ésti fuera editáu y acabara convirtiéndose nun clásicu.

L'aporte de Orson Welles al conxuntu de la película paez claru. Welles, que tenía problemes coles sos producciones en Hollywood, decidió dir a Europa, onde dirixó y collaboró en dellos proyeutos, ente ellos ésti llargumetraxe de Carol Reed. La so primera apaición en pantalla (el movimientu d'una lluz que descubre a Harry Lime énte la sorprendida cara de Cotten) ta considerada como la meyor presentación d'un personaxe nun filme. El planu secuencia del final y la escena de la persecución nes alcantarielles de Viena son igualmente memorables.

• Carol Reed: Narrador (versiones britániques)
• Joseph Cotten: Holly Martins
• Alida Valli: Anna Schmidt
• Orson Welles: Harry Lime
• Trevor Howard: Mayor Calloway
• Bernard Lee: Sarxentu Paine
• Wilfrid Hyde-White: Crabbin
• Erich Ponto: Dr. Winkel
• Ernst Deutsch: Baron Kurtz
• Siegfried Breuer: Popescu
• Paul Hörbiger: Karl, porteru de Harry Lime
• Hedwig Bleibtreu: Casera d'Anna
• Robert Brown: Policía militar británicu
• Alexis Chesnakov: Brodsky
• Herbert Halbik: Hansl
• Paul Hardtmuth: Porteru de Sacher
• Geoffrey Keen: Policía militar británicu
• Eric Pohlmann: Camareru
• Annie Rosar: Esposa del porteru Karl

Una calterística clave d'El tercer home ye l'usu por Robert Krasker d'una cinematografía espresionista, con illuminación duro y ángulos inusuales de la cámara. En combinación cola única temática musical, llugares decadentes y les aclamaes interpretaciones de los actores, l'estilu evoca l'atmósfera d'una Viena de posguerra nel iniciu de la Guerra Fría. La magnífica fotografía en blancu y negru enseña llugares de la capital austriaca como la Noria de del Prater o les cloaques vieneses, marcu de la famosa escena de la persecución final.

Premiu Oscar 1950:

• a la meyor fotografía en blancu y negru (Robert Krasker)

Premiu BAFTA 1949:

• a la meyor película británica

Premiu del Festival de Cannes 1949:

• Gran Premiu (Carol Reed)

Premiu Oscar 1950:

• al meyor direutor (Carol Reed)
• al meyor montaxe (Oswald Hafenrichter)

Premiu BAFTA 1949:

• al meyor filme de cualquier orixe

Premiu Directors Guild of America 1949:

• a la estraordinaria prestación en direición – cine (Carol Reed)

• El tercer home clip
• Guión de la película (n'inglés)
• El tercer home ficha téunica del doblaxe Archiváu 2014-04-10 en Wayback Machine