Cuiro
O cuiro u cuero (de o latín <CORIUM, con o mesmo significau), en qualques parlas con mas tendencia a la perda d'a vocal final atona, como l'aragonés belsetán, cuer, ye o material que s'obtiene de curtir a piel d'os animals mamiferos.
Ye un material muit maleable mas resistent que a piel nativa, y resulta mas durador porque no se descomposa. Tradicionalment s'ha feito servir ta fer-ne cinglas, siellas y belatras piezas de l'aparello d'os animals, asinas como tamién calcers y piezas de vestuache d'as personas.