Sistema Internacional d'Unidaz

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Sistema Internacional d'Unidaz, abreviato SI^[1] (d'o francés Système International d'Unités) ye o sistema d'unidaz mas emplegato en o mundo, tanto en a ciencia como en a vida diaria (comercio), y ye a evolución d'o sistema metrico decimal.

Nomás bi ha tres estatos que encara no han adoptato lo Sistema Internacional d'Unidaz como lo suyo unico sistema de mesuras: Liberia, Birmania y Estaus Unius.

L'antigo sistema metrico decimal presentaba diferents grupos d'unidaz como lo sistema mks (metro-quilogramo-segundo) u o sistema cgs (centimetro-gramo-segundo), que a la vegata tamién presentaban variants. O SI se desembolicó a partir de l'antigo sistema mks, y fue adoptato en a 11^ena Conferencia Cheneral de Pesos y Mesuras que se celebró en París entre l'11 y o 20 d'octubre de 1960.

Como se puet observar en o mapa d'o costato, güe día la utilización d'o SI ye practicament universal y cuasi dengún estato mantiene definicions oficials d'atras unidaz. A unica excepción notable son os Estaus Unius d'America a on que o suyo sistema tradicional d'unidaz (United States customary units) contina estando amplament emplegato en a vida diaria, encara que con definicions basatas en o SI. L'uso d'o SI en os Estaus Unius nomás s'incrementa en a escuela, a ciencia y a industria.^[2]

Unidaz basicas

As unidaz basicas d'o SI han estato establitas por a Conferencia Cheneral de Pesos y Mesuras a propuesta d'o Bureau International des Poids et Mesures ("Oficina Internacional de Pesos y Mesuras"); bi'n ha 7, bien definitas, que, por convenio, se consideran dimensionalment independients:

**Unidaz basicas d'o SI**^[3]
Nombre	Simbolo	Magnitut	Definición
metro	m	longaria	Un metro ye a longaria d'o trachecto que recorre a luz en o vueito mientres un 299.792.458^eno de segundo.^[4]
kilogramo	kg	masa	Un kilogramo ye a masa d'o prototipo internacional d'o kilogramo. Ye a unica unidat que ye definita en relación a un obchecto.^[5]
segundo	s	tiempo	Un segundo ye a durada de 9.192.631.770 periodos d'a radiación correspondient a la transición entre os dos nivels hiperfinos d'o estato fundamental de l'atomo de cesio 133.^[6]
ampere	A	corrient electrica	Un ampere ye a cantidat de corrient constant que, si se mantiene en dos conductors paralelos, rectilinios, de longaria infinita, de sección circular negligible y situatos en o vueito a una distancia d'un metro l'un de l'altro, producirba entre istos conductors una fuerza de 2·10⁻⁷ newtons por metro de longaria.^[7]
kelvin	K	temperatura termodinamica	Un kelvin ye un 273,16^eno d'a temperatura termodinamica d'o punto triple de l'augua.^[8]
candela	cd	intensidat luminosa	Una candela ye a intensidat luminosa, en una dirección determinata, d'una fuent que emite una radiación monocromatica de frecuencia 540·10¹² Hz a intensidat enerchetica en ista dirección d'a cual ye d'un 683^eno de watt por estereoradiant.^[9]
mol	mol	cantidat de materia	Un mol ye a cantidat de materia d'un sistema que contiene tantas entidaz elementals como atomos bi ha en 0,012 kg de carbonio 12.^[10]

Unidaz derivatas

A partir d'as unidaz base se pueden definir unidaz derivatas, en a tabla siguient s'amostran as que tienen un nombre y un simbolo especial:

**Unidaz derivatas d'o Sistema Internacional con nombre especifico^[11]**
Magnitut fisica	Nombre d'a unidat d'o SI	Simbolo d'a unidat	Expresión en termins d'atras unidaz	Expresión en termins d'as unidaz basicas d'o SI
Frecuencia	herz	Hz	${\mbox{s}}^{-1}$
Fuerza	newton	N	${\mbox{kg}}\cdot {\mbox{m}}\cdot {\mbox{s}}^{-2}$
Presión, tensión	pascal	Pa	${\mbox{N}}\cdot {\mbox{m}}^{-2}$	$={\mbox{kg}}\cdot {\mbox{m}}^{-1}\cdot {\mbox{s}}^{-2}$
Enerchía, treballo, calor	joule	J	${\mbox{N}}\cdot {\mbox{m}}$	$={\mbox{kg}}\cdot {\mbox{m}}^{2}\cdot {\mbox{s}}^{-2}$
Potencia, fluxo radiant	watt	W	${\mbox{J}}\cdot {\mbox{s}}^{-1}$	$={\mbox{kg}}\cdot {\mbox{m}}^{2}\cdot {\mbox{s}}^{-3}$
Carga electrica	coulomb	C	${\mbox{A}}\cdot {\mbox{s}}$
Potencial electrico, fuerza electromotriz	volt	V	${\mbox{J}}\cdot {\mbox{C}}^{-1}$	$={\mbox{m}}^{2}\cdot {\mbox{kg}}\cdot {\mbox{s}}^{-3}\cdot {\mbox{A}}^{-1}$
Resistencia electrica	ohm	Ω	${\mbox{V}}\cdot {\mbox{A}}^{-1}$	$={\mbox{m}}^{2}\cdot {\mbox{kg}}\cdot {\mbox{s}}^{-3}\cdot {\mbox{A}}^{-2}$
Conductancia electrica	siemens	S	${\mbox{A}}\cdot {\mbox{V}}^{-1}$	$={\mbox{s}}^{3}\cdot {\mbox{A}}^{2}\cdot {\mbox{m}}^{-2}\cdot {\mbox{kg}}^{-1}$
Capacitancia electrica	farad	F	C · V⁻¹	$={\mbox{s}}^{4}\cdot {\mbox{A}}^{2}\cdot {\mbox{m}}^{-2}\cdot {\mbox{kg}}^{-1}$
Densidat de fluxo magnetico, inducción magnetica	tesla	T	${\mbox{V}}\cdot {\mbox{s}}\cdot {\mbox{m}}^{-2}$	$={\mbox{kg}}\cdot {\mbox{s}}^{-2}\cdot {\mbox{A}}^{-1}$
Fluxo magnetico	weber	Wb	${\mbox{V}}\cdot {\mbox{s}}$	$={\mbox{m}}^{2}\cdot {\mbox{kg}}\cdot {\mbox{s}}^{-2}\cdot {\mbox{A}}^{-1}$
Inductancia	henry	H	${\mbox{V}}\cdot {\mbox{s}}\cdot {\mbox{A}}^{-1}$	$={\mbox{m}}^{2}\cdot {\mbox{kg}}\cdot {\mbox{s}}^{-2}\cdot {\mbox{A}}^{-2}$
Temperatura	grau Celsius	°C	t_°C = t_K - 273,15
anglo plan	radiant	rad	1	$={\mbox{m}}\cdot {\mbox{m}}^{-1}$
Anglo solido	estereoradiant	sr	1	$={\mbox{m}}^{2}\cdot {\mbox{m}}^{-2}$
Fluxo luminoso	lumen	lm	cd · sr
Iluminancia	lux	lx	cd · sr · m⁻²
Activitat radioactiva	becquerel	Bq	s⁻¹
Dosi absorbita (de radiación ionizant)	gray	Gy	J · kg⁻¹	$={\mbox{m}}^{2}\cdot {\mbox{s}}^{-2}$
Dosi equivalent (index de radiación ionizant)	sievert	Sv	J · kg⁻¹	$={\mbox{m}}^{2}\cdot {\mbox{s}}^{-2}$
Actividat catalitica	katal	kat	mol · s⁻¹

Prefixos

S'han definito una serie de prefixos que se pueden combinar con cualsiquier unidat ta formar unidaz derivatas adecuatas ta fer mesuras en órdens de magnitut superior u inferior. O grupo formato por o prefixo y o simbolo d'a unidat ye inseparable. Os simbolos d'os multiplos s'escriben en mayuscla mientres que ta os submultiplos s'emplegan minusclas. Ista regla tien as excepcions d'os multiplos deca (da), hecto (h), y kilo (k) que se simbolizan con minusclas.

**Prefixos d'o Sistema Internacional d'Unidaz**^[12]
Multiplos	Nombre	deca-	hecto-	quilo-	mega-	giga-	tera-	peta-	exa-	cetta-	yotta-
	Simbolo	da	h	k	M	G	T	P	E	Z	Y
	Factor	10¹	10²	10³	10⁶	10⁹	10¹²	10¹⁵	10¹⁸	10²¹	10²⁴

Submultiplos	Nombre	deci-	centi-	mil·li-	micro-	nano-	pico-	femto-	atto-	cepto-	yocto-
	Simbolo	d	c	m	µ	n	p	f	a	z	y
	Factor	10⁻¹	10⁻²	10⁻³	10⁻⁶	10⁻⁹	10⁻¹²	10⁻¹⁵	10⁻¹⁸	10⁻²¹	10⁻²⁴

Referencias

[11CGPM-1] Nombre y abreviadura oficials seguntes a resolución num. 12 d'a 11^ena Conferencia Cheneral de Pesos y Mesuras de 1960

[2] CIA. World Factbook. 2008

[3] Definicions oficials

[4] Definición oficial d'o metro

[5] Definición oficial d'o kilogramo

[6] Definición oficial d'o segundo

[7] Definición oficial de l'ampere

[8] Definición oficial d'o kelvin

[9] Definición oficial d'a candela

[10] Definición oficial d'o mol

[11] BIMP. Units with special names and symbols; units that incorporate special names and symbols.

[12] BIMP: SI prefixes

[1]

[2]

[3]

[4]

[5]

[6]

[7]

[8]

[9]

[10]

[11]

[12]