Valkyrie (cinta)

Iste articlo ye sobre una cinta chermano-estausunidense de l'anyo 2008; ta atros usos, se veiga Valkyrie.

Valkyrie
Títol	Valkyrie
Póster d'a cinta.
Ficha tecnica
Dirección	Bryan Singer
Dirección artistica	Cornelia Ott Keith Pain Ralf Schreck John Warnke
Producción	Bryan Singer Gilbert Adler Christopher McQuarrie
Disenyo de producción	Lilly Kilvert Patrick Lumb
Guión orichinal	Nathan Alexander Christopher McQuarrie
Musica	John Ottman
Fotografía	Newton Thomas Sigel
Montache	John Ottman
Escenografía	Bernhard Henrich
Vestuario	Joanna Johnston
Casting	Roger Mussenden
Actors	Tom Cruise Kenneth Branagh Bill Nighy Tom Wilkinson Carice van Houten Thomas Kretschmann Terence Stamp David Schofield Christian Berkel Jamie Parker Eddie Izzard David Bamber Harvey Friedman Kenneth Cranham Matthias Freihof Waldemar Kobus Halina Reijn Werner Daehn Tom Hollander Bernard Hill Ian McNeice
Color	Technicolor
Datos y cifras
País(es)	Estaus Unius Alemanya
Anyo	2008
Debantadera	25 d'aviento de 2008 Estaus Unius[1] 22 de chinero de 2009 Alemanya[1]
Chenero(s)	Cine historico Cine d'intriga Cine de drama Cine belico
Durada	121 min.
Idioma(s)	Anglés Alemán
Companyías
Productora(s)	Metro Goldwyn Mayer United Artists Bad Hat Harry Productions Cruise/Wagner Productions Studio Babelsberg Motion Pictures
Distribución	20th Century Fox
Presupuesto	75-90 millons de dólars
Recauto	201.5 millons de dólars
Informacions en bases de datos especializadas:

Valkyrie (títol orichinal en anglés, en aragonés Valquiria, enguerada en Aragón con o títol de Valkiria) ye una cinta de cine d'intriga historico-dramatico-belica de l'anyo 2008 coproducida por o cine alemán y lo cine estausunidense dirichida por Bryan Singer seguntes un guión orichinal de Nathan Alexander y Christopher McQuarrie, una banda sonora orichinal de John Ottman, una dirección de fotografía de Newton Thomas Sigel, una producción cinematografica de Bryan Singer, Gilbert Adler y Christopher McQuarrie ta las productoras Metro Goldwyn Mayer, United Artists, Bad Hat Harry Productions, Cruise/Wagner Productions y Studio Babelsberg Motion Pictures y un elenco d'o cual en fan parte en os suyos papels principals os actors Tom Cruise, Kenneth Branagh, Bill Nighy, Tom Wilkinson, Carice van Houten, Thomas Kretschmann, Terence Stamp, David Schofield, Christian Berkel, Jamie Parker, Eddie Izzard, David Bamber, Harvey Friedman, Kenneth Cranham, Matthias Freihof, Waldemar Kobus, Halina Reijn, Werner Daehn, Tom Hollander, Bernard Hill y Ian McNeice

A cinta se centra en a figura d'o coronel d'a Wehrmacht Claus von Stauffenberg y la suya partecipación en l'atentau d'o 20 de chulio de 1944 contra Adolf Hitler en a clamada Operación Valquiria. A cinta prencipia con as feridas de von Stauffenberg en 1943 mientres a campanya de Tunicia en cual perdió un uello, una man y dos didos de l'atra, y contina con o suyo recrutamiento por o cheneral Friedrich Olbricht ta unir-se a la Resistencia elemana y la suya implicación en os preparativos de Valquiria dimpués d'a tentativa fracasada que heba feito lo cheneral Henning von Tresckow. Von Stauffenberg estió l'autor d'a planificación de l'atentau y lo suyo executor directo, en colocar personalment una bomba en a Wolfsschanze, o cuartel cheneral d'Adolf Hitler. Tanimientres, d'una man l'atentau fracasó en resultar cuasi ileso Hitler de l'atentau y d'atra man o cheneral Olbricht en Berlín tardó en declarar l'estau d'alerta y como consecuencia de tot ixo o golpe fracasó.

A cinta s'ambienta en os anyos 1943 y 1944 en Tunicia, Berlín y en l'antiga Prusia Oriental, hoy en o districto de Kętrzyn d'o voivodato de Varmia y Masuria en Polonia, y las suyas escenas se filmoron en Berlín, en localidaz de Brandemburgo (incluyiu Potsdam) en Alemania, en Praga en a Republica Checa y en localidaz de California (incluyida Pasadena) en os Estaus Unius.^[2]

Se tracta d'una cinta que ha recibiu bels premios y nominacions, pero denguno d'istos premios fa parte d'os premios cinematograficos mas conoixius u destacaus.

• Cine en 2008.
• Cintas de 2008.