Temperatura ambient

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Temperatura ambient ye a temperatura que se puet mesurar con un termometro y que se prene de l'ambient actual, por lo que, si se prene de diversos puntos en una aria en un mesmo tiempo puet variar.

Ixo se debe a que una temperatura presa en un ambient tan fredo como lo ye o Polo Norte, a on a temperatura sería por debaixo de zero (si se mesura en graus Fahrenheit u Celsius ), no será igual a una presa en un puesto tan calido como un disierto a on a temperatura sería muit por dencima d'o zero.

Ta o confort humán, a temperatura ambiental deseyable pende en gran parti d'a necesidatz de l'individuo y en diversos atros factors. Seguntes l'observatorio de salut publica de West Midlands, Gran Bretanya, 21 °C (70 °F) ye a temperatura ambiental recomendata ta todas as cambra d'una casa, fueras d'o dormitorio, a on se recomienda una temperatura ambiental de 17 °C (64 °F). En centros profesionals y oficinas ista temperatura podría estar de minimo 16 °C. Un estudio efectuato por a Universidat d'Uppsala, Suecia, trobó que a percepción d'una temperatura ambiental alta ye correlacionata con un ambient de cooperación disminuito. O estudio recomendó mantener una temperatura ambiental maxima de 22 °C (72 °F) y a minima a 16 °C (64 °F).

• Sensación termica