Río Caldarés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Caldarés
Puande viello de Pandicosa
Administración
Estaus	{{{estaus}}}
Territorios	Aragón
Cheografía
Longaria	km
Altaria d'o naixedero	1.636 m
Naixedero	Banyos de Pandicosa
Desembocadura	Río Galligo
Superficie d'a cuenca	km²
Cabal meyano	m³/s
Mapa

O río Caldarés ye un río aragonés que naixe y desemboca en o municipio de Pandicosa, que trescruza d'este ta ueste. O naixedero d'o río se troba en os Banyos de Pandicosa, a bels 1.636 m d'altaria, en o mesmo ibón d'os Banyos que reculle as auguas que baixan d'os Ibons de Vachimanya y Azuls.

Dende os Banyos baixa ta Pandicosa a on s'unen a las auguas suyas o río Bolatica y o barranco O Vachato, a los piez d'a estación d'esquí de Pandicosa. En ista villa pasa por debaixo d'o puande viello, construito en 1556 por Beltrán de Betbedé.

Contina o suyo recorrito ta desembocar poquez kilometros mas enta abaixo en l'entibo de Búbal chunto a o lugar d'o Pueyo.

Seguntes William Dennis Elcock^[1] o nombre d'iste río deriva d'o latín CALDARIUM y o sufijo disminutivo -ITTUM, con o significau de 'caldera chicota', fendo referencia a l'aspecto d'o río mas que a las propiedaz propiedad termals d'as suyas augua. Mesmo orichen tendría o toponimo gascón Cautarès.