QazCovid-in

QazCovid-in, comercialment conoixida como QazVac^[1][2], ye una vacuna contra a COVID-19 desembolicada por l'Instituto d'Investigación de Problemas ta la Seguridat Biolochica d'o Ministerio d'Educación y Ciencia d'a Republica de Cazaquistán.

QazVac se troba actualment en a fase 3 (III) de l'ensayo clinico, que s'aspera que siga completament completau ta o día 9 de chulio. No ye claro cuan se publicarán os primers resultatos preliminars.

L'administración d'a vacuna ta la población cheneral s'encetó a finals d'abril de 2021.^[3] A chustificación d'o Director Cheneral de l'Instituto d'Investigación, Kunsulu Zakarya ye que l'ensayo ye completau cuasi en un 50% y "as personas que han recibiu [a] vacuna se sienten bien; no bi ha habiu efectos segundarios y a eficacia d'a vacuna ye alta".^[4]

L'11 de chinero de 2021 se completó la vacunación de voluntarios^[5], mientres que QazCovid-in se rechistró temporalment mientres 9 meses^[6].