Sastago

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sastago
Municipio d'Aragón
Monesterio de Rueda.
Entidat  • País  • Provincia  • Comarca	Municipio  Aragón  Zaragoza Ribera Baixa de l'Ebro
Partiu chudicial	Casp
Superficie	301,25 km²
Población  • Total	1088 hab. (2013)
Altaria  • Meyana	153 m.
Distancia  • 64 km	enta Zaragoza
Alcalde	María Joaquina Yuste Gracia
Codigo postal	50780
Chentilicio	sastaguinos
Parroquial  • Archidiocesi  • Arcipestrau  • Parroquia	Zaragoza Quinto Ntra. Sra. d'o Pilar
Ríos	Ebro
Coordenadas	41°19’24’’N 0°20’44’’U
Sastago Sastago en Aragón
Web oficial

Sastago (en castellano Sástago) ye un municipio aragonés de la provincia de Zaragoza, situato en la comarca de la Ribera Baixa de l'Ebro y partiu chudicial de Casp.

La suya población ye de 1.294 habitants (2011), en una superficie de 301,25 km², con una densidat de población de 4,30 hab/km².

Ye situato en la marguin dreita de l'Ebro en la zona de meandros, que en Sastago y la suya redolata se dicen vueltas. Se troba a 64 metros d'altaria sobre o livel d'a mar, a una distancia de 64 km d'a ciudat de Zaragoza, a capital d'a suya provincia y d'Aragón.

Lo suyo termin muga con Casterló, Exatiel, La Puebla d'Íxar, La Zaida, Alforc, Cinco Olivas, Alborche, Viliella d'Ebro, Exelsa, Pina d'Ebro, Burcharaloz, Casp, Chiprana y Escatrón.

Alforc	Cinco Olivas, Alborche, Viliella d'Ebro, Exelsa, Pina d'Ebro	Burcharaloz
La Zaida		Casp
Exatiel, La Puebla d'Íxar	Escatrón, Casterló, Exatiel, La Puebla d'Íxar	Chiprana

A suya temperatura anyal ye 15.53 °C, con una temperatura meya en chinero de 5.96 °C y en chulio de 26.47 °C.^[1]

Encara que no ha sido localizada s'ha proposau que Sedeisken (en escritura iberica ), capital d'a tribu ibera d'os sedetans, podría estar situada en l'actual Sastago.

Con Pero II los de la familia Blasco d'Alagón teneban Sastago como tenents, dimpués la villa y castiello estioron de la familia Blasco d'Alagón, donatos por lo rei Chaime I en compensación por la obligación de ceder-li Moriella. N'esta zona entroron en un conflicto d'intreses con lo monesterio de Rueda, por lo que en 1242 Chaime I ordinó que se fese una muga fixa entre lo termin de Sastago y Rueda, con acta de mollonación. En lo sieglo XVI la sinyoría cambeó ta condau de Sastago. I heba muita población morisca, que fue forachitata en lo sieglo XVIII.

Son curiosos toponimos como Varella de Pez, Varello los lobos, Plana Lobera, Planas de los Mases de Pez, Grallas, Camino de las Grallas, y Barranco del Cerbellón, con sufixo doble aragonés -ellón alzato y que seguntes un J.A. Frago Gracia fa referencia a los ciervos que encara se i troban, pero que ye mes fácil que tienga relación con un apellito.

I heba una industria tradicional de cuitiellos, los cuchillos sastaginos (a vegatas ditos simplament como sastaguinos), con mango decorato con nacra de bivalvos d'augua dulce, Margaritifera auricularia. Yeran muit populars en Aragón y mesmo podeban estar arma blanca en las barallas en la carrera. Salen en la baralla aragonesa como as d'espatas.

Evolución demografica

1910 1920 1930 1940 1950 1960 1970 1981 1991 - - - - - - - - 1.674

1992 1994 1996 1997 1998 1999 2000 2001 2002 - - 1.510 - 1.479 1.459 1.444 1.408 1.373

2003 2004 2005 2006 2007 2008 2009 2010 2011 1.325 1.307 1.288 1.249 1.179 1.138 1.115 1.260 1.294

2012 2013 2014 2015 2016 2017 2018 2019 2020 1.266 1.249 1.221 1.217 1.183 1.175 1.170 1.154 1.119

2021 2022 2023 2024 2025 2026 2027 2028 - 1.122 1.093 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón							6	5	4
Partido Popular							3	4	2
Partido Aragonés							0	0	3
Total							9	9	9

Lista d'alcaldes

Lechislatura	Nombre	Partiu politico
1979–1983	Luis Carlos Piquer Jiménez	PSOE
1983–1987
1987–1991
1991–1995
1995–1999
1999–2003
2003–2007
2007–2011	José María Calvo
2011–2015	María Joaquina Yuste Gracia	Partido Aragonés
2015–2019	María Joaquina Yuste Gracia	Partido Aragonés
2019–2023
2023–2027	Jorge Casanova Angles [2]	PP

• Lo monesterio de Rueda ye en lo termin de Sastago, encara que tienga mes relación con Escatrón, porque ye mas amán.
• Fortín de Sastago.

• 14-18 d'agosto, Fiestas patronals en honor a la Virchen de Mont Ler y Sant Roque
• 16-18 de chinero, Sant Antón, con foguera gran, vin y chorizo rustito a la brasa pa toz.
• 25 d'abril romería ta la Ermita de Mont Ler.

• Se veigan as imáchens de Commons sobre Sastago.
• (es) www.Sastago.es.
• (an) Diccionario de l'aragonés de Sastago.