Saxonia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Estau libre de Saxonia Freistaat Sachsen Swobodny stat Sakska
Estau d'Alemanya
Bandera Escudo
Mapa de situación en Alemanya
Entidat  • Estau	Estau Alemanya
Capital	Dresde
Idioma oficial  • Atros idiomas	Alemán Alemán central, sorbio y bavaro
Superficie  • Total	18 415.66 km²
Gubierno  • Ministro president	Kurt Biedenkopf
Población  • Total (2013)  • Densidat	4 046 385 hab. 234 hab/km²
‎Chentilicio	Saxón/a[1]
ISO 3166-2	DE-SN
Pachina web oficial

Saxonia (en alemán Sachsen) ye un d'os 16 Estaus federaus d'Alemanya.^[2] Muga a lo norte con o estau de Brandemburgo, a l'este con o río Neiesse con Polonia, a o sud con a Republica Checa, a lo sud-ueste con o estato de Bavera, a l'ueste con o estau de Turinchia, y a lo norueste con o estau de Saxonia-Anhalt.

Saxonia se troba a o este d'Alemanya Central y muga con os estaus de Bavera (longaria d'a buega 41 km), Turinchia (274 km), Saxonia-Anhalt (206 km), Brandemburgo (242 km), Polonia (123 km) y a Republica Checa (454 km).

O solo y mas important río navegable ye l'Elba. Trascruza o estau d'o sudeste a o nordueste.

Saxonia se troba en a zona climatica moderada d'Europa Central con aires predominants d'o ueste. Dau que ya existen cualques cadenas montanyosas baixas protectoras entre as mars occidentals y l'Estato, o clima ye mas continental que en o ueste y o norte d'Alemanya. Isto ye particularment evident en hibiernos mas fredos y veranos mas ixutos que en atras partes d'Alemanya.

I hai grans diferencias climaticas dentro de Saxonia. A temperatura meya anyal en os países d'o norte plano y montanyoso central ye entre 8,5 y 10 °C (periodo 1991-2005) estando o centro d'a ciudat de Dresde a rechión mas calida de Saxonia con una meya anyal de 10,4 °C. En a cordelera baixa a temperatura promeyo ye d'arredol de 6 a 7,5 °C, en Fichtelberg, a rechión mas freda, arredol de 4 °C. O mesmo s'aplica a la precipitación meya anyal, de 500 a 800 mm en as tierras baixas (periodo 1991-2005) y arredol de 900 a 1200 mm en a cordelera baixa (arredol de 1250 mm en o Fichtelberg).

Saxonia ye dividita 10 districtos rurals y 3 districtos urbans:

Districtos rurals:

1. Bautzen (Budyšin)
2. Districto d'Erzgebirgs
3. Görlitz (Zhorjelc)
4. Leipzig
5. Meißen
6. Mittelsachsen
7. Nordsachsen
8. Sächsische Schweiz-Osterzgebirge
9. Districto de Vogtland
10. Zwickau

Districtos urbans:

1. Chemnitz
2. Dresde
3. Leipzig

En cheneral, la cocina ye muit abundant y presenta muitas peculiaridaz de l'Alemanya Central, como que una gran variedat de salsas que acompanyan a o plato prencipal y a moda de servir Klöße u Knödel como guarnimiento en cuenta de trunfas, pasta u roz. Tamién s'utiliza muito pescau d'augua dolza en a cocina saxona, en particular truitas, como que ye o caso en toda Europa de l'Este.

Virollas tipicas son:

• Plinsen
• Quarkkeulchen
• Glitscher
• Kalter Hund
• Saure Flecke
• Sächsische Wickelklöße
• Eierschecke

	Estaus d'Alemanya
Baden-Wurtemberg | Bavera | Baixa Saxonia | Berlín | Brandemburgo | Bremen | Hamburgo | Hesse | Mecklemburgo-Pomerania Occidental | Renania d'o Norte-Westfalia | Renania-Palatinato | Sarre | Saxonia | Saxonia-Anhalt | Schleswig-Holstein | Turinchia