Sofuentes

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sofuentes
Entidat local menor d'Aragón
Entidat  • País  • Provincia  • Comarca  • Municipio	Entidat local menor  Aragón  Zaragoza Cinco Villas Sos d'o Rei Catolico
Partiu chudicial	Exeya d'os Caballers
Población  • Total	94 hab. (2006)
Altaria  • Meyana	594 m.
Distancia  • 120 km	enta Zaragoza
Codigo postal	50680
Parroquial  • Diocesi  • Arcipestrau  • Parroquia	Chaca Erla-Uncastiello Sant Chusé
Coordenadas	42°25’58’’N 1°18’55’’U
Sofuentes Sofuentes en Aragón

Sofuentes ye un lugar aragonés definiu como entidat local menor^[1] d'o municipio de Sos d'o Rei Catolico, comarca de Cinco Villas, partiu chudicial d'Exeya d'os Caballers y provincia de Zaragoza.

A suya población ye de 94 habitants (2006).

Sofuentes ye situato en a parte sud d'o termin municipal de Sos d'o Rei Catolico, en a cuenca hidrografica d'o río Arba, afluent d'o río Ebro, y no pas d'o río Onsella, afluent d'o río Aragón, como a mayor parte d'o termin de Sos.

Ye a 594 metros d'altaria sobre o livel d'a mar, a una distancia de 120 km d'a ciudat de Zaragoza, a capital d'a suya provincia y d'Aragón.

O territorio de Sofuentes estió un territorio con una muit intensa romanización, y se i troban muitos restos arqueolochicos de l'Imperio Romano, estando a mas amanata a una d'as vías romanas de Zaragoza enta Pamplona y a os importants restos romanos en Sadaba y Uncastiello.

Bi ha repuis d'una antiga torre d'o sieglo XIV, encara que ye fácil que bi hese bellas torres de guaita ta cosirar os camins ta Sos, a Val d'Onsella y l'interior d'o primitivo reino d'Aragón, fendo parte asinas d'as obras esfensivas de Sos en una d'as vías d'acceso dende Sadaba y Castiliscar.

Ye fácil que a población de Sofuentes, que dende a suya creyación medieval estió un lugar que dependeba de Sos, se i establise en ista parte d'o termin de Sos ta poder labrar millor os suyos campos, en estar separata de Sos por as altarias d'a Sierra de Sos.

• Ilesia de Sant Chusé de Sofuentes, una ilesia moderna adedicada a Sant Chusé y devantada mientres os sieglos XIX y XX, que ye la ilesia parroquial d'o lugar.^[2]
• Ermita de Nuestra Sinyora de Serún, una ermita en estilo romanico.