Lenguadoc

	Lenguadoc; Lengadòc
	Comarca d'Occitania
	; Laco d'Òu
Capital	Tolosa
Entidat; •País; •Departamento	Comarca; Occitania; Aude, Tarn, Alta Garona, Erau, Gard, Losera, Ardecha, y Alta Loira
	; Lenguadoc en Francia

Lenguadoc (en occitán Lengadòc [ˌleŋgɔˈðɔ(k)], en francés Languedoc) ye una rechión d'o sud de Francia, d'antis mas clamata Gotia u rechión Narbonense. Fa parti d'a rechión administrativa de Lenguadoc-Rosellón. En l'antigüidat yera dividita en una parti alta con capital en Tolosa y una atra baixa con capital en Montpeller. Muga a lo norte con Auvernia, a l'este con o Roine, a l'ueste con a Garona y os Pireneus y a lo sud con o Rosellón y la Mediterrania. Tien ueito departamentos, que son: Aude, Tarn, Alta Garona, Erau, Gard, Losera, Ardecha, y Alta Loira.

A luenga d'oc

Se veiga l'articlo prencipal: Occitán

O nombre d'esta rechión fa referencia a la luenga occitana que se i charra. O nombre de l'idioma viene d'a palabra oc que en occitano medieval y moderno significa «sí»^[1], mientres que en o francés d'o norte se clama langue d'oïl (pronunciato uí, palabra antiga ta la francesa muderna oui). L'adverbio hoc yera emplegato tamién en aragonés y catalán^[2] medievals y se puet trobar encara, de manera residual, en l'aragonés chistabín.^[3]

Referencias

↑ (oc) Jacme Taupiac Gramatica occitana: gramatica de l'occitan estandard, 2^nda edición, Associacion Antonin Perbòsc de l'Institut d'Estudis Occitans, 2021.
↑ (ca) DCVB.
↑ (es) F.N. Laín: Nota para atestiguar el uso de la partícula afirmativa ó< lat. HOC en aragonés moderno, en Alazet, 2006, p.73-80].