Nothing Special   »   [go: up one dir, main page]
Ir al contenido

Ixarmiento

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Vinyas en hibierno con os ixarmientos sin esporgar.

O ixarmiento[1] ye una branca u verdugo de vinya que perculla cada anyada d'a cepa y leva totas as estructuras de creiximiento vechetal d'a planta, ye dicir, as fuellas (pampas), os filos (tixeretas) y os carrazos.[2]

En hibierno s'esporga a vinya pa que os ixarmientos no creixcan guaire y millorar a producción cualitativa y cuantitativa d'as ugas. Un ixarmiento esporgau y presto pa plantar-lo ye un malluelo.

Etimolochía

[editar | modificar o codigo]

D'alcuerdo con María Luisa Arnal Purroy o verbo ixarmentar ("collir os ixarmientos esporgaus"[3]), deriva d'o verbo latino SARMENTARE sumau a lo prefixo EX- (*EXSARMENTARE)[4] y esto explicaría como a partir d'un etimo latino con S- inicial apareixese en aragonés esta parola con una x. En castellano d'Aragón a parola harmiento ye una muestra de substracto lingüistico aragonés, que se remonta a exarmiento, documentau d'o "Fuero d'Aragón"[5], de "Breviarium ab Urbe condita"[6], y de l'aragonés d'as comunidaz aragonesas:[7]

por aquella ont ouo costumnado de sacar sos uuas e sos exarmientos escuentra so casa o encara en otra manera, que deue auer franca exida por la marguin de la çequia por la qual el agua entra a regar la uinna[5]
la ora murio Sant Gregorio papa et enel yuierno fue facto tan grant frido que mortifico los exarmientos et las miesses.[6]
fuessen guardados los pagos de la dita ciudat, vinyas, huertos, canpos, & árboles, ortalizas, fruytas & lenyas & exarmientos[7]

Referencias

[editar | modificar o codigo]
  1. ↑ (es) Blas Gabarda, F. y Romanos Hernando, F.: El aragonés de Baixo Penyas. 2005, Gara d'Edizions.
  2. ↑ (es) Christian Mac Kay: Anatomía de la vid (Parte 2), consultau o 17 d'abril de 2013
  3. ↑ (es) ARNAL PURROY, Mª Luisa, Diccionario del habla de la Baja Ribagorza Occidental -Huesca-; Gara d'Edizions. Zaragoza, 2003. ISBN 84-8094-052-2
  4. ↑ (es) Maria Luisa Arnal Purroy: El segmento (s) en el habla de la Baja Ribagorza occidental aspectos fonéticos y fonológicos Archivo de filología aragonesa, ISSN 0210-5624, Vol. 46-47, 1991 , pp. 71-92(sin pronunciar a -r final)
  5. ↑ 5,0 5,1 (es) Gunnar Tilander: Fueros aragoneses desconocidos promulgados a consecuencia de la gran peste de 1348 Volumen 9 de Leges hispanicae Medii Aevii. Editor: Almqvist & Wiksell, 1935
  6. ↑ 6,0 6,1 (an) Breviarium ab Urbe condita
  7. ↑ 7,0 7,1 (es) Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991.

Veyer tamién

[editar | modificar o codigo]
Obteniu de "https://an.wikipedia.org/w/index.php?title=Ixarmiento&oldid=2178787"