Ilesia de Bosnia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Ilesia de Bosnia estió una comunidat cristiana con una hierarquía independient de Roma y de Costantinoble que existió en a Edat Meya en Bosnia. Tradicionalment la han considerata como bogomila, pero bels historiadors actuals lo posan en duda.

En tiempos d'a división entre a cristiandat catolica romana y a cristiandat ortodoxa a mayor parte d'o territorio de Bosnia teneba una población catolica. Manimenos l'aislamiento prolongato de Bosnia fació que a ilesia bosnia evolucionase de feito enta o cisma, esleyendo los suyos propios cargos entre as cabezas d'os monesterios u mesons. Tamién influiba que yera dificil acceder a una buena formación teolochica, una relaxación en as observancias y unas practicas d'a ilesia ortodoxa.

Ya en 1190 os vecins d'os bosnios se queixaban que a ilesia bosnia yera infectata por a herechía. Un legato apostolical fue ninviato ta Bosnia en l'anyo 1203 pa investigar os estos cargos. O Ban Kulin organizó un concilio estraordinario en Bolino Polje (redolata de Zenica), on os liders d'a ilesia habioron de firmar una declaración de fer reformas. Se desconoix si se'n facioron, pus en os sieglos vinients a ilesia bosnia encara yera mes aislata.

En 1340 o punto de vista oficial de Roma yera que tota a ilesia bosnia yera heretica, y que os suyos miembros se negaban a convertir-sen. Encara que muitos historiadors han dito que a ilesia bosnia yera bogomilista, bels especialistas modernos consideran que a ilesia bosnia yera una branca d'a ilesia catolica esencialment no heretica y que se basaba en a vida en monesterios y mesons con observancia de bellas practicas ortodoxas, (manimenos este punto de vista s'ha ixemenato por publicacions en anglés y en medios anglosaxons y no especialment en medios balcanicos).

En o sieglo XIV Roma ninvió a los franciscanos ta Bosnia por haber tenito enantes exito en a conversión d'os cataros en Occitania y Italia, y dedicoron mes d'un sieglo en tornar a los bosnios a lo catolicismo. En 1459 o rei bosnio Stjepan Tomas refirmó esta campanya. O rei ordenó a los clerigos d'a Ilesia Bosnia a convertir-sen a lo catolicismo u a deixar o reino. En tornar a lo catolicismo a mayoría d'os clerigos, a Ilesia de Bosnia perdió o suyo refirme.

• History of Bosnia-Herzegovina. Articlo titulau Balcan States en a edición de l'anyo 2007 d'a Enciclopedia Britannica.