Henry Ford

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Henry Martin Ford
Información personal
Calendata de naixencia	30 de chulio de 1863
Puesto de naixencia	Dearborn, Michigan
Calendata de muerte	7 d'abril de 1947
Puesto de muerte	Detroit, Michigan
Ocupación	Inventor y empresario.
Fillos	Edsel Bryant Ford

Henry Martin Ford (Dearborn, Michigan, 30 de chulio de 1863 - Detroit, Michigan, 7 d'abril de 1947) estió un empresario, inventor estausunidense, establidor d'a companyía Ford Motor Company y piloto de cursas d'automovils. Ye famoso por a utilización d'as cadenas de producción mudernas emplegatas pa la producción en masa, d'as cualas erroniament se li atribuye la invención. Ford aplicó y milloró o desembolique que fació Ransom Eli Olds d'as ideas teoricas d'o taylorismo, que yera un metodo de producción que aplicaba ideyas cientificas a la producción.

A fabricación y introducción d'o suyo primer automovil de exito, o Ford T, en o mercato automobilistico estió una revolución en o transporte y en a industria d'os Estaus Unius.

A lo mesmo tiempo que estió un empresario de exito tamién estió una persona extremadament racista, antisemita y supremacista blanco. Las suyas ideyas inspiroron a a Adolf Hitler y lo desembolique d'o nazismo, Hitler yera un admirador d'as ideyas d'odio racial, economicas y intepresarials que expresaba Henry Ford y las aplicó pa la industria alemana y la creyación de interpresas como Volkswagen.^[1][2] En l'anyo 1938 recibió la Grosskreuz des Órdens vom Deutsche Adler, la mas alta condecoración que atorgaba lo gubierno nazi a un estranchero.^[3]

Dimpués d'a suya muerte Ford deixó una parte muit gran d'a suya fortuna ta a Ford Foundation.

Henry Ford creó chunto a o suyo fillo, Edsel, la Ford Foundation en l'anyo 1936 con l'amplio obchectivo de promocionar o buen pasar d'a chent. Ford dividió lo suyo capital en un chicot numero d'accions con dreito a voto, que repartió entre a suya familia, y un gran numero d'accions sin dreito a voto que dió a la Fundación, que creixió immensament y, pa 1950, ya teneba un ambito internacional. Gradualment se fueron vendendo todas as suyas accions en o mercau dende l'anyo 1955 dica 1974,^[4] y perdió su connexión con la Ford Motor Company y la familia Ford.^[5]

En l'actualidad con excepción d'o suyo nombre, a Ford Foundation no tiene garra connexión con a Ford Motor Company ni con a familia Ford dende fa mas de trenta anyos dende que Henry Ford II, renunció a la directiva d'a fundación en 1976. En l'actualidat lo solo miembro d'a familia Ford que forma parte d'a chunta directiva ye Henry Ford III.^[6]

• (en) Ford, Henry. The International Jew, (1920). Replegada d'artíclos antisemitas publicaus por él mesmo en o suyo periodico The Dearborn Independent.
• (en) Baldwin, Neil. Henry Ford and the Jews: the mass production of hate.PublicAffairs, 2002. ISBN 978-1-58648-163-6.
• (en) Bryan, Ford Richardson. Henry's lieutenants. Wayne State University Press, 1993. ISBN 978-0-8143-3213-9
• (en) Henry, Ford. My Life and Work. Kessinger Publishing, 2004. ISBN 978-1-4179-1105-9.
• (en) Lee, Albert. Henry Ford and the Jews. Stein and Day, 1980. ISBN 978-0-8128-2701-9.
• (en) Wallace, Max. The American Axis: Henry Ford, Charles Lindbergh, and the Rise of the Third Reich. Macmillan, 2004. ISBN 978-1-4299-3924-9

• Se veigan as imáchens de Commons sobre Henry Ford.
• (en) Sito web d'a Ford Fondation.