Gran Cisma d'Orient

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Gran Scisma d'Orient u Gran Scisma d'Orient y Occident ye o escaicimiento que dividió a la ilesia cristiana que aceptaba la dotrina d'o Concilio de Calcedonia, en o cristianismo catolico romano occidental y o cristianismo ortodoxo de l'este. A ormino a calendata d'a división ye considerata l'anyo 1054, cuan o papa León IX y o patriarca Miguel I se excomulgoron l'un a l'atro.

Manimenos o escisma estió lo resultato d'un periodo mas amplo d'aleixamiento entre as dos ilesias. A causa principal d'o escisma estió a desputa sobre l'autoridat papal: o papa habeba de tener autoridat sobre os cuatro atros patriarcas, y istos diciban que a supremacía d'o patriarca de Roma yera nomás honoraria, y que a suya churisdicción nomás yera sobre a suya rechión, l'occident. Bi habió atras causas menors que producioron o escisma, principalment chicoz conflictos dotrinals u de practicas tradicionals d'a litúrchia.