Cladograma

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un cladograma ye un diagrama ramificato que s'emplega en cladistica pa esquematizar as relacions de filochenia, u historia evolutiva, d'un grupo de taxons terminals.

O cladograma une os taxons por a suya ascendencia común, deducita por sinapomorfias u caracters derivatos compartitos, mientres que en os filogramas puet obviar-se os caracters comuns y se centra solament en a filochenia. Cada brazo u rama d'un cladograma, como incluye l'antipasato común probable d'os organismos que i son representatos, ye en realidat un clado.

Se diz que os cladogramas rancan de suposicions previas sobre a historia evolutiva d'o grupo d'organismos, tracta cada nodo y cada rama mesmo que si estás una sola especie (sin parar cuenta de quántos cambeos evolutivos escayón pa que amaneixese ixe linache), y presenta una ramificación dicotomica, lo que s'asimilaría a que cada organismo ancestral s'ha puesto transformar en dos y solo dos especies derivatas sin conservar-se la orichinal. Tamién asume o cladograma que ye imposible l'anastomosi de dos brancas.

• Clado.
• Cladistica.
• Árbol filochenetico.
• Dendrograma.