Catolicismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O termin catolicismo por un regular se refiere a la doctrina u a fe d'a Ilesia Catolica, a cual comprende a todas aquellas ilesias cristianas que son en comunión con o Papa de Roma, y que acceptan a suya autoridat en materias de fe y de moral. Actualment, se divide en as siguients:

• A Ilesia Catolica Romana, que sigue o rito latín.
• A Ilesia Catolica d'Orient u Ilesia Uniata, que sigue o rito d'Orient.

Cal decir que bi ha ilesias que no acceptan l'autoritat del Papa, pero que se consideran catolicas y emplegan iste nombre.

O termin "catolico" proviene de l'adchectivo griego καθολικός-ή-όν (katholikos), que significa "cheneral" u "universal". Iste adchectivo fue emplegato por primera vegata por Inacio, bispe d'Antioquía en l'anyo 107 ta referir-se a la ilesia cristiana no dividita (alavez) en una epistola a os cristianos d'Esmirna. O primer concilio ecumenico de Nicea, confirmó iste adchectivo ta describir a la ilesia cristiana universal fundata por os apóstols de Chesucristo. Dimpués d'o Gran Scisma d'Orient, l'adchectivo se relaciona con a Ilesia Catolica Romana, encara que a Ilesia Ortodoxa y bellas ilesias protestants tamién se consideran "catolicas", en o sentito orichinal d'a palabra, "universal".