Ñef (Osmanische Buechstabe)

Ñef isch e Buechstab im osmanisch-türkische Alphabet gsi, wu bis 1928 verwendet worre isch, wu nit zum hocharabische Alphabet ghert het. Er isch zuesätzlich zue de vier Persische Buechstabe (Pe, Tche, Zhe und Gaf) igfiert worre, zum de velare n-Lut (in de turkologische Umschrift mit ñ gschriwe, (IPA: [ŋ]) schriiwe z kinne. S Ñef wird wie e Kaf gschribe, aber mit drey Pinkt driwer. S het kei Zahlewert.

In osmanische Text findet sich s Ñef selte. Wie bim Gef sind d diakritische Zeiche vilmol weggluu un de ñ-Lut mitem Kef wiidergewe worre.

Bi de Umstellung uff d latynisch Schrift 1928 isch d Unterscheidung zwische velarem ñ un normalem (dentalem) n verlore gonge, wil s ñ im İstanbuler Dialekt, wu Maßschtab gsi isch, nit exischtiert het.

S Ñef isch us em Osmanisch au in d arabisch-basierte Schrifte vun de zentralasiatische Turksprochen wie Kasachisch, Turkmenisch, Kirgisisch, Usbekisch un Uigurisch iwernumme worre.