Volker Beck

Dr Volker Beck (* 12. Dezämber 1960 z Stuegart-Bad Cannstatt) isch e dytsche Bolitiker (Bindnis 90/Di Griene) un Mänscherächtler. Vu 1994 bis 2017 isch er Mitglid vum Dytsche Bundesdag gsii. Bis aafangs Merz 2016 isch er innebolitische Sprächer vu dr Bundesdagsfraktion, Vorsitzer vu dr dytsch-israelische Barlemäntariergruppe vum Dytsche Bundesdag un Sprächer fir Religionsbolitik vu syre Fraktion gsii. Syt 2022 isch er Bresidänt vu dr Dytsch-Israelische Gsellschaft.

Noch em Abitur 1980 z Sendelfenga un em Zivildienscht het dr Beck an dr Universitet Stuegert Chunschtgschicht, Gschicht un Germanischtik studiert, het mit em Studium aber ohni Abschluss ufghert.^[1]

No 17 Johr Beziehig het dr Beck sy Partner Jacques Teyssier, e Manager un LGBT-Aktivischt, anne 2008 ghyrote. Im Juli 2009 isch dr syt vyl Johr HIV-positiv Teyssier an Chräbs gstorbe. S Paar het langi Johr z Köln, z Berlin un z Paris gläbt. Wenigi Wuche vor em Dod vum Teyssier sin si zäme in e Wohnig z Berlin zoge.^[2]

Bolitisch isch er aafangs 1980er Johr in dr Fridesbewegig aktiv gsii, het si fir dr Volkszelligsboykott engaschiert un isch anne 1985 dr Griene byydrätte. 1986 isch er in dr Chraisvorstand vu dr Griene z Stuegert gwehlt wore un isch vu 1987 bis 1990 Schwulereferänt vu dr Bundesdagsfraktion vu dr Griene gsi.

Bis 1994 isch dr Beck au Sprächer vu dr Bundesarbetsgmainschaft Schwulebolitik vu syre Bartei gsii. Bi dr Bundesdagswahl 1994 isch dr Beck zum erschte Mol iber d Landeslischt Nordrhy-Weschtfalen in dr Dytsch Bundesdag gwehlt wore. Dert het en sy Fraktion zum rächtsbolitische Sprächer gwehlt.

No dr Bundesdagswahl 1998 isch dr Beck zuesätzlig im Fraktionsvorstand Bolitische Koordinator vum Fraktionsarbetschrais Inne, Rächt, Frauen un Juged wore. No der Bundesdagswahl 2002 het en d Fraktion zum erschte Mol zum Erschte Barlemäntarische Gschäftsfierer im Fraktionsvorstand gwehlt, 2005 un 2009 isch er widergwehlt wore. Är het zum nyynchepfige Spitzeteam vu syre Bartei bi dr Bundesdagswahl 2005 ghert. Fir d Bundesdagswahl sin d Bärbel Höhn un ä ras Sptzekandidate uf dr erschte beede Blätz vu dr Landeslischt vu dr nordrhy-weschtfälisch Griene gstande, un des au bi dr Bundesdagswahl 2013. No dr het dr Beck aagchindet, ass er nimi fir s Amt vum barlemäntarische Gschäftsfierer wett kandidiere.^[3][4]

Dr Volker Beck isch bis 2013 Mitglid vum Barteirot vu Bindnis 90/Di Griene gsii un Sprächer vu dr Landesgruppe vu Bindnis 90/Di Griene NRW im Bundesdag.

Vu 2014 bis Merz 2016 isch dr Volker Beck Sprächer fir Innebolitik un Religionsbolitik vu dr Griene-Fraktion im Bundesdag gsii.^[5]

Wu am 2. März 2016 bi re Bolizeikontroll z Berlin bim Beck 0,6 Gramm vun ere „drogesuspekte Substanz“ gfunde wore sin, het er am nämlige Dag alli Fraktionsämter niderglait.^[6] D Staatsaawaltschaft het am 17. Merz 2016 Ermittlige gege ihn ufgnuu, wu dr Bundesdag d Immunitet vun em glupft ghaa het.^[7] Die Ermittlige sin am am 13. April 2016 wäge „gringer Schuld“ gege ne Zahlig vu 7000 Euro yygstellt wore.^[8]

In syre Funktion im Dytsche Bundesdag isch dr Beck Mitglid vu verschidene Ususschiss vum Bundesdag gsii. In dr 16. un 17. Wahlperiod isch er Mitglid im Elteschterot vum Barlemänt gsii. In dr 17. Wahlperiod isch er erschte Barlemäntarische Gschäftsfierer, Sprächer fir Mänscherächtsboliti un stellverdrättende Vorsitzer vu dr dytsch-franzesische Barlemäntariergruppe gsii, in dr 18. Wahlperiod isch er Vorsitzer vu dr dytsch-israelische Barlemäntariergruppe gsii.^[9]

Wel er zue dr Bundesdagswahl 2017 nit uf e sichere Lischteblatz vu dr nordrhy-weschtfälische Landeslischt gwehlt woren isch, isch er nimi as Kandidat aadrätte.^[10][11]

Anne 1986 het dr Beck bi Aktionen gege d AIDS-Bolitik vum Peter Gauweiler mitgmacht. Dr Beck isch Mitglid im Bundesverband Homosexualität (BVH) gsii un het no dr Wändi mitgschafft an dr Uuswytig vu „Schwuleverband in dr DDR“ zum „Schwuleverband z Dytschland“ (SVD). Är isch vu 1991 bis 2004 ain vu dr Sprächer vu däm mittlerwyli greschte lesbisch-schwule Burgerrächtsverband gsii, wu si as Lesben- un Schwuleverband z Dytschland (LSVD) au fir Lesbe ufgmacht het.^[12]

Ass ehmoligi NS-Zwangsarbaiter e finanziälle Uusglych ibercheme, het dr Dytsch Bundesdag anne 2000 unter dr Fäderfierig vum Volker Beck un em Otto Graf Lambsdorff d Bundesstiftig „Erinnerung, Verantwortung, Zukunft“ grindet.^[13] D Stiftig het bis 2007 Entschädigigen an 1,7 Millione Zwangsarbaiter us iber 100 Ländern´uuszahlt.^[13]

Dr Beck isch Mitglid un zum Dail Sprächer vu verschidene Mänscherächts- un Opferorganisatione.

 Commons: Volker Beck – Album mit Multimediadateie

• Websyte vum Volker Beck
• Biografy bi dr Bundestagsfraktion Bündnis 90/Die Grünen (Memento vom 13. April 2009 im Internet Archive)
• Biographie beim Deutschen Bundestag
• Volker Beck uf abgeordnetenwatch.de

1. ↑ Markus Wehner: Deutsche Spitzenpolitiker verschleiern ihre Studienabbrüche. In: Frankfurter Allgemeine Sonntagszeitung. 26. Mai 2013, abgruefen am 26. Mai 2013.
2. ↑ Anne-Kattrin Palmer: Sein Ehemann starb an Krebs. Archivlink (Memento vom 29. Septämber 2009 im Internet Archive) In: Express, 26. Juli 2009.
3. ↑ Grünen-Spitze bietet Rücktritt an. Archiviert vom Original am 27. September 2013; abgruefen am 2. März 2016.  In: tagesschau.de. 24. Septämber 2013.
4. ↑ Gesamte Führung tritt zurück. In: FAZ. 23. Septämber 2013.
5. ↑ dieKirche.Evangelische Wochenzeitung, Nr. 1, 5. Januar 2014.
6. ↑ Süddeutsche.de: Volker Beck mit Drogen erwischt - Grünen-Politiker legt Fraktionsämter nieder, abgruefen am 2. Merz 2016.
7. ↑ Immunität aufgehoben: Staatsanwaltschaft ermittelt gegen Volker Beck, Spiegel-online, 17. Merz 2016
8. ↑ Ermittlungen gegen Volker Beck eingestellt, n-tv.de, 13. April 2016
9. ↑ Vorständ vu dr Barlemäntariergruppen in dr 18. Wahlperiod Archivlink (Memento vom 3. Novämber 2014 im Internet Archive) uf dr Websyte vum Dytsche Bundesdag, abgruefen am 25. Juli 2014.
10. ↑ Kirsten Bialdiga: Grünen-Parteitag in Oberhausen. Der Abschied des Volker Beck. In: Der Abschied des Volker Beck; abgruefen am 4. Dezämber 2016
11. ↑ Grüner Beck mit schlechten Karten für nächsten Bundestag; abgruefen am 4. Dezämber 2016
12. ↑ Vorstand des Gesamtverbandes. Archiviert vom Original am 10. November 1999; abgruefen am 2. März 2016.  lsvd.de, 10. November 1999.
13. ↑ ^{13,0 13,1} 7500 Euro je KZ-Sklavenarbeiter. In: WirtschaftsWoche, 27. Septämber 2010.

Dä Artikel basiert uff ere fräie Übersetzig vu dere Version vum Artikel „Volker_Beck“ vu de dütsche Wikipedia. E Liste vu de Autore un Versione isch do z finde.